Atea animalien tratu etikoaren aldeko elkarteak herrian hainbat txakurrek jasaten duten “egoera tamalgarriaren” gaineko salaketa helarazi dio Mutrikuko Udalari. Salaketa orrian elkarteak azaldu du txakurrak euren kaka eta txiza artean bizi direla, gune heze, osasungaitz eta zikinean, eta batzuk lotuta egoten direla. Elkarteak esan duenez, egoera horrek animalien oreka psikologikoari era larrian eragiten dio.
Atearentzat tratu txar onartezinen adibidea da animalia horiek jasaten dutena, eta adierazi du, haien jabeak “doako krudelkeria” erakusten duela. Horregatik, Mutrikuko Udalari eskatu diote indarrean dagoen araudia aplikatu eta egoera horren eragilea zigortzea. Udala gaia aztertzen dago.