Argiteria publikoa aldatuko du udalak, urtea amaitu orduko

Herriko 11 kaletako 71 argi puntu aldatuko dituzte. Energia elektrikoaren kontsumoa gutxitzea dute helburu. Argien kontrol eta erregulazio sistema ezarriko dute

2017a amaitu orduko herriko argiteriaren zati bat aldatzeko asmoa dauka Lekeitioko Udalak. Aldaketa zatika egingo dela jakitera eman dute, eta alde zaharretik hasiko dira lanean.

Lehen fasean, 71 argi puntu aldatuko dituzte guztira. Horrela, Independentzia plazako argiteria, Uribarren kalekoa, Gamarra kalekoa, Apalloa kalekoa, Resurrecion Mª de Azkue kalekoa, Igualdegi kalekoa, Paskual Abaroa kalearen zati batekoa, Trinitate kalekoa, Intxaurrondo kalekoa, Azpiri kalekoa eta Arranegi kalearen zati batekoa aldatuko dituzte.

Horren guztiaren helburua energia elektrikoaren kontsumoa gutxitzea dela nabarmendu du udalak, eta, aldi berean, herriko argiztapenaren kalitatea hobetu eta puntu-puntuko telekudeaketa ezarri nahi dute.

Hori posible egiteko, Led teknologiako sodio-lurrunezko eta indukziozko argiak jarri eta herriko argien kontrol eta erregulazio sistema ezarriko dute.
Ez dago iruzkinik

Send this to friend