Domekara arte 'Sareak ehunduz' erakusketa ikusgai dago Mutrikun
Erakusketak Palestinako lurralde okupatuko emakumeen egoera eta hainbat elkartek emakumeen eskubideen defentsan egindako lana ezagutzera ematen dituDomekara arte ikusteko aukera dago Mutrikuko Udalak eta Emakume Mutrikuarrak Abixan taldeak elkarlanean ...
Erakusketak Palestinako lurralde okupatuko emakumeen egoera eta hainbat elkartek emakumeen eskubideen defentsan egindako lana ezagutzera ematen ditu
Domekara arte ikusteko aukera dago Mutrikuko Udalak eta Emakume Mutrikuarrak Abixan taldeak elkarlanean antolatutako Sareak Ehunduz erakusketa.UNRWA Euskadi elkarteak, Garapenerako Lankidetzaren Euskal Agentziaren laguntzarekin garatzen duen Jabekuntzaren erretratuak proiektuaren jarduera bat da Mutrikun ikusgai dagoen erakusketa.
Zabiel kultur etxean honako ordutegian dago zabalik erakusketa: astelehenetik barikura 18:00etatik 20:00etara; zapatuan 11:00etatik 13:00etara, eta domekan 12:00etatik 14:00etara.
Bidaiaren fruituak
Erakusketak Palestinako lurralde okupatuko emakumeen egoera eta hainbat elkartek emakumeen eskubideen defentsan egindako lana ezagutzera ematen ditu. Hain zuzen ere, Palestinako lurralde okupatuko emakumeen egoeraren inguruan kontzientzia kritikoa euskal jendartean hedatzeko nahia eta Palestinako lurralde okupatuko eta euskal emakumeen arteko sareak ehuntzea da proiektuaren helburua.
2013ko ekainean, Bizkaiko, Gipuzkoako eta Arabako hainbat elkarteetako kide diren hamar emakumek Palestinako lurralde okupatura bidaia egin zuten, Israelen okupazioaren eragina eta Palestinako hainbat elkartek emakumeen eskubideen alde garatzen duten lana ezagutzeko. Bidaia haren ondoren sortu da Sareak ehunduz erakusketa. Bidaia hartan parte hartu zuten emakumeen lan kolektiboa eta bertan bizi izandakoa ikuspegi propio batetik islatu nahi ditu erakusketak.
