Azken orduetan 3 positibo erregistratu dituzte Lea-Artibai eta Mutrikun
Atzo [irailak 30] ondoko herrietan erregistratu zituzten kasuak: 2 Mutrikun eta 1 Aulestin. Ondorioz, bi herri horietako intzidentzia tasek gora egin dute. Gainerako herrietako tasak bere horretan mantendu edo jaitsi egin da. Hiru lurraldeetako tasek behera egiten jarraitzen dute.
Egoera epidemiologikoak hobera egiten jarraitzen du Lea-Artibai eta Mutrikun. Atzo [irailak 30] 3 positibo erregistratu zituzten Lea-Artibai eta Mutrikun: 2 kasu Mutrikun erregistratu zituzten eta 1 Aulestin. Positibo kopuruak gora eginda, bi herrietako intzidentzia tasak ere gora egin du. Ia 20 puntu igo da Mutrikuko intzidentzia tasa; gune horian egoten jarraitzen du.
Bestelako egoera dago gainontzeko herrietan. Hala, jaitsi egin dira Berriatuko, Lekeitioko, Munitibarko, Ondarroako eta Ziortza-Bolibarko intzidentzia tasak. Amoroto, Etxebarria, Gizaburuaga, Ispaster, Markina-Xemein eta Mendexakoak, ostera, bere horretan mantendu dira. Gaur gaurkoz, sei dira 0 tasa daukaten herriak: Amoroto, Gizaburuaga, Ispaster, Markina-Xemein, Mendexa eta Munitibar.
Lurraldeak. Arabako intzidentzia tasa 67,84koa da gaur (atzo baino puntu 3 gutxiago), Bizkaikoa 69,10koa (-3 puntu) eta Gipuzkoakoa 70,09ekoa (ia -2 puntu).
Joan den aste osoan [irailaren 13tik 19ra] 23 positibo erregistratu zituzten Lea-Artibai eta Mutrikun, duela bi aste baino 47 kasu gutxiago. Joan den asteko kasu gehienak Ondarroan erregistratu zituzten (17), eta atzetik datoz Lekeitio (7), Mutriku (3) eta Aulesti (2). Gainerako herrietan ez zuten positiborik erregistratu.
Herriz herriko intzidentzia tasak (urriak 1):
- Amoroto: 0
- Aulesti: 449,10 8 (149 puntu igo da)
- Berriatua: 79,55 (79 puntu jaitsi da)
- Etxebarria: 134,23
- Gizaburuaga: 0
- Ispaster: 0
- Lekeitio: 166,04 (41 puntu jaitsi da)
- Markina-Xemein: 0
- Mendexa: 0
- Munitibar: 0 (218 puntu jaitsi da)
- Mutriku: 225,82 (18 puntu igo da)
- Ondarroa: 350,18 (11 puntu jaitsi da)
- Ziortza-Bolibar: 227,79 (227 puntu jaitsi da)
Lea-Artibai eta Mutrikuko bilakaera, 2020ko azarotik:
