Everest mendiaren garaiera (8.848 metro) bikoiztuta, 17.696 metroko desnibel metatua daukan erronka bete du txirrindulari berriatuarrak. Horri, txirrindularitzan Everesting bikoitza egitea deitzen diote. Hasiera bateko asmoa erronka 30 ordutan betetzea bazen ere, berriatuarrak lehenago amaitu du (19:50ean). Eta Antxustegiren laguntzaileek jakitera eman dutenez, “oso errez” egin du. 68 igoera eta jaitsiera egin nahi bazituen ere, azkenean 70 egin ditu.
Atzo hasi zen proba egiten [apirilak 16], 15:00etan. Bi ordu eta hamar minututik behin hiru minutuko geldialdia egin du berriatuarrak. “Bost igoera egiten dituen bakoitzean geratzen da, zer edo zer jan, arropak aldatu eta abar egiteko”. Gutxi gorabehera, buelta bakoitza 25 minututan egiten du.
Gauez ere ondo ibili dela esan dute. “Gauean freskotu egin du, eta ondorioz, askoz hobeto sentitu dela esan du Antxustegik”. Hala, gauez erritmoa ere ez duela jaitsi esan dute.
Laguntzaileak, txandaka. Txirrindulari berriatuarrak laguntzaileak ere eduki ditu; herriko txirrindulariak txandaka ibili dira beragaz batera ibilbidea egiten.
Ez da estreinako aldia Antxustegik horrelako erronka bat egiten duena. Elgoibarko San Pedron egin zuen, Bermeoko Solluben eta baita ere Karakaten (Soraluze). Beraz, Lekoizkoagaz laugarren Everesting bikoitza egingo du.
Lea-Artibai eta Mutrikuko albisteak euskaraz, libre eta kalitatez jaso nahi dituzu? Horretarako zure babesa ezinbestekoa dugu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.