Gure berriHITZARI BURUZKO ALBISTEAK
Eragileen eskutik urteak betetzen
Hamabost: zortzi hizkitan hamaika bizipen. 2003ko azaroaren 11 zen, eta bidea hasi baino ez zuen egin. Hamabost urte beranduago, ezin lehenengo egun hartaz ahaztu; ezin egindako bidea ukatu; derrigorrez jasotako laguntza behar da aitortu. Pertsona bakarrak landatu dezake zuhaitz bat, baina zailagoa egingo zaio sortzea arbolaz betetako baso bat. Helburua bada hori, lortuko du bateko edo besteko modua, eskuratuko du bidelagunez osatutako mundua. Hitzak bazuen helburu bat; bazeukan proiektu bat, eta lortu zituen bidelagunak: askotariko eragileak. Herri mugimenduekin batera jarri zuen hazia, eta elkarlanean egin zuten kimu batetik zuhaitza hazi eta hezi. Hiru ziren hasieran gizarte eragileak; 64 dira orain. Momentu zail eta latzetan, haien babesak lagundu dio oztopoetan estropezu egin eta aurrera egiten.
Euskara elkarlanean zabalduz
11barri diseinu eta komunikazio zerbitzuen enpresak HITZA egitasmoa bultzatzeko zeregina dauka hasieratik; lortutako etekin guztiak egunkariari laguntzeko dira.
Azken sei urteetan nabarmen gehitu dira erabiltzaile digitalak
2012. urtean 15.344 erabiltzaile eduki zituen webguneak; saioak 47.052 izan ziren. Bost urte beranduago, iaz, 127.874 erabiltzaile eta 356.669 saio zenbatu ziren.
HITZAk harpidetzak sendotzen jarraitzeko apustua egin du
Proiektua babesteko beste aukera bat eskainiko du HITZAkidek. Urtean 77 euro ordaindu behar dira harpidedun izateko. Hainbat abantaila eskaintzen ditu.