Bertoko lau bertsolarik parte hartuko du domekan Urdulizko finalaurrekoan
Bizkaiko Bertsolari Txapelketako bigarren finalaurrekoa izango da domekakoa. Lea-Artibaitik Galletebeitiak eta Ostolazak parte hartuko dute, eta Busturialdetik Erezumak eta EnbeitakDomekan jokatuko da #Josi-Bizkaiko Bertsolari Txapelketako bigarren fin...
Bizkaiko Bertsolari Txapelketako bigarren finalaurrekoa izango da domekakoa. Lea-Artibaitik Galletebeitiak eta Ostolazak parte hartuko dute, eta Busturialdetik Erezumak eta Enbeitak
Domekan jokatuko da #Josi-Bizkaiko Bertsolari Txapelketako bigarren finalaurrekoa, Urdulizen. Iparralde kiroldegian izango da saioa, 17:30ean. Lea-Artibaiko eta Busturialdeko bina bertsolarik parte hartuko dute domekako saioan.Gorka Ostolaza Ikaran Potxis markina-xemeindarra eta Xabat Galletebeitia Abaroa lekeitiarra izango dira Lea-Artibaiko bi bertsolariak. Busturialdekoak, aldiz, Julen Erezuma Arzanegi gernika-lumotarra eta Onintza Enbeita Maguregi muxikarra. Haiekin batera ariko dira Beñat Ugartetxea Ostolaza mallabiarra eta Larrabetzuko Etxahun Lekue Etxebarria. Horrela ba, guztira sei bertsolari egongo dira bigarren finalaurrekoan.
Saioko irabazlea zuzenean sailkatuko da abenduaren 20an Miribillan jokatuko den Bizkaiko Bertsolari Txapelketako finalera, eta besteak, puntuazioen arabera edukiko dute horretarako aukera.
Bertsolarien ibilbidea
Kantatuko duten bertsolarietatik, Lekue eta Enbeita 2012ko finalista izateagatik zuzenean finalaurrekoetarako sailkatuta egon dira. Beraz, eurentzako domekan hasiko da Bizkaiko Txapelketa. Bestetik, Beñat Ugartetxea Galdakaoko saioa irabazita sailkatu da Urdulizko saiora, eta Gorka Ostolaza Mallabiko saioa irabazita. Galletebeitia eta Erezuma, ostera, puntuazioz sailkatu dira finalaurrekoetara.
Gai emaile beharretan Zuriñe Iarritu Azpitarte ariko da Urdulizen. Bestalde, epaimahaian hurrengoak egongo dira: Iñaki Aurrekoetxea Arkotxa, Mirari Azula Aurrekoetxea, Jurgi Fuentes Goikoetxea, Jon Jaio Aiartzaguena, Joseba Santxo Uriarte eta Ander Txakartegi Basterretxea; idazkari beharretan, Leire Markuerkiaga Olabe ariko da.
Sarrerei dagokienez, herritarrek aurretiaz (Internet bidez) eta saioa hasi aurretik erosi ahalko dituzte.
