Maiatzean abiarazi zuen UEMAk Esnatu dinamika Lea-Artibain, eta ordutik hamaika izan dira ekimenagaz bat egin duten eskualdeko eragileak. Atzo [azaroak 6] amaiera ekitaldia egin zuten Aulestin, eta plaza bete jende elkartu zen euskararen alde. Hilabete hauetan eskualdean egindako lana goraipatzeaz gain, lanean jarraitzeko deia luzatu zuten bertan. Era berean, hizkuntza politiken eta lege babesa artikulatzeko beharra zegoela nabarmendu zuten.
Hamar urte bete ditu Ondarroako Aringaingan taldeak, eta urteurrena ospatzeko, lasterketa ez lehiakorra egingo dute azaroaren 15ean. Emakumeek korrika eginez, kalea hartu eta ahalduntzeko helburuagaz sortu zen taldea 2016an, eta ordutik, 100 emakumetik gora igaro dira bertatik. Gaur-gaurkoz, 20 lagun inguruk osatzen dute Aringaingan, eta ateak irekita dituzte herriko gainontzeko emakumeentzat ere.
Resurreccion Maria Azkueren heriotzaren 75. urteurrena gogoratuz, kantu, musika eta irakurketak uztartu dituzte gaur [azaroak 7] Lekeitioko R.M. Azkue kalean, lehen euskaltzainburua eta hark kulturari egindako ekarpena gogoratzeko.
Nanoipuin lehiaketaren eta Augustin Zubikarai nobela bekaren sari banaketa egon zen atzo [eguena] Ondarroako Kofradia Zaharrean.
2025eko Augustin Zubikarai sariaren irabazleak 'Neguberria' eleberria argitaratu berri du bekari esker. Tokiko kazetaritza du lanbide, eta lehenengo eleberria du idazle modura.
Duela hamar urte itxi zuten Etxebarriko gazteen topaleku zen gaztetxea. Gorabeheraz betetako bide luzea egin dute Gazte Asanbladako kideek, herriari gaztetxe bat emateko eta gazteak herrian mantentzeko. Jolasekin, bazkariagaz eta kontzertuekin osatu dute gaztetxearen irekiera jaia ospatzeko gaur eta biharko egitaraua. Gaztetxeak jasaten ari diren «zapalkuntza» egoerari aurre egiteko bidea ere badela aldarrikatu dute.
Warhammer 40.000 mahai-jokoa izango da protagonista asteburuan udalerriko probalekuan. Lehiaketa jokatuko da zazpi mahaitan, hamalau jokalarigaz, eta zortzigarren mahai bat egongo da probatu nahi duen edozein herritarrentzat.
Euskaltzaindiak ekintza ugariko egitaraua aurkeztu du, Lekeitioko Udalaren, Bizkaiko Foru Aldundiaren, Bilboko Euskal Museoaren eta Laboral Kutxaren laguntzagaz. Ekintzak zapatuan [azaroak 7] hasiko dira, Lekeitioko R.M. Azkue kalean euskaltzainaren testuen herri irakurketagaz.
'Traineruaren historia Euskal Herrian' hitzaldia eskaini zuen eguaztenean Xabier Alberdi Lonbide Donostiako Euskal Itsas Museoko zuzendariak. Azaroaren 12an [eguena] 'Ondarroako arrauna bertsotan' hitzaldia egongo da, Xabier Amuriza Zarraonaindiaren eskutik.
Azaroaren 30era arte bidali daitezke argazkiak.
Hitzaldiz, proiekzioz eta ekintza kolektiboz osatu dute heriotza eta dolua lantzeko egitaraua. Domekan [azaroak 8], 20an eta abenduaren 11n batuko dira.
Miren Gojenola eta Iratxe Urkiagaren ikuskizunak Mendexako Udaleko ganbara hartuko du zapatuan [azaroak 7], 19:00etan. Kuadrillen kontuak dira antzezlanaren ardatza, eta, horrenbestez, adin guztietako lagun taldeei ikuskizunaz gozatzeko deia egin diete aktoreek.
Antton Telleria, Asier K eta Beñat Iturberen bakarrizketak ikusteko aukera egongo da. Sarrerak 7 euroren truke egongo dira eskuragarri. Bazkideentzat, aldiz, 5 euroren truke.
Borla taldeak eta Telmo Trenorrek musikaz beteko dute bihar [azaroak 6] Ondarroako gaztetxea.
Antzerkietako sarrerak eskuragarri daude Mutrikuko Turismo Bulegoan eta udalaren webgunean.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
