Eusko Jaurlaritzak kirolontzientzako 211 amarratze eskainiko ditu Ondarroan
Eusko Jaurlaritzak jakitera eman duenez, Ondarroako portuan profesionalak ez diren ontzien amarratzeak eskatzeko epea otsailaren 15ean zabalduko da, eta martxoaren 4an amaitu. Guztira, 211 amarratze eskainiko dira. “Eusko Jaurlaritzak, otsailaren 2an Euskal Herriko Agintaritzaren Aldizkarian argitalpena egin ostean, deialdi publiko bidez, Ondarroako portuan amarratzeak erabiltzeko baimen eskaeren prozedura hasiko du”.
Almudena Ruiz de Angulo Eusko Jaurlaritzako Garraio Azpiegituren zuzendariak adierazi duenez, eskaera aurkeztu ahal izango du profesionala ez den jolasontzi baten titularra den eta Eusko Jaurlaritzarekin zordun ez den guztiak. “Portu horretan, profesionalak ez diren jolasontzietarako amarratzeen instalazioak daude, eta horiek okupatzeko beharrezkoa da aurretiaz administrazio titulu bat edo amarratzeguneak erabiltzeko baimen bat ematea. Bata ala bestea, gainera, hiru urtean behin eguneratu beharko dira”.
Jaurlaritzak adierazitakoaren arabera, modu honetara daude banatuta 211 amarratzeak:
Interesatuek eskaera eredu normalizatuan aurkeztu beharko dute, eta horiek Bizkaiko Portuen Lurralde Zerbitzuan (Elkano 3, behea, 48011 Bilbo) eta Garraio Azpiegituraren Zuzendaritzan (Donostia 1, Lakua 1-7.solairua, 01010 Gasteiz) jaso ahal izango dira doan, astelehenetik barikura, 09:00etatik 14:00etara. Era berean, eskaria Internetetik ere jaitsi daitezke Eusko Jaurlaritzaren webgunetik.
Eskaerak zuzenean aurkeztu beharko dira, dagokion epean, Bizkaiko Portuen Lurralde Zerbitzuan (Elkano 3, behea, 48011 Bilbo) eta Garraio Azpiegituraren Zuzendaritzan (Donostia 1, Lakua 1-7. solairua, 01010 Gasteiz), astelehenetik barikura, 09:00etatik 14:00etara edo Zuzenean arreta zerbitzua erabilita.
Astilleruko kirolontzien portua
- 6 metro edo gutxiagoko luzera duten ontzientzat, pantalanera lotzen diren 19 amarratze
- 6-7 metro bitarteko luzera duten ontzientzat, pantalanera lotzen diren 18 amarratze
- 7-8 metro bitarteko luzera duten ontzientzat, pantalanera lotzen diren 6 amarratze
- 8-9 metro bitarteko luzera duten ontzientzat, pantalanera lotzen diren 3 amarratze
- 5 metroko luzera edo gutxiago duten ontzientzat, moilara lotzen diren 24 amarratze
- 5-6 metro bitarteko luzera duten ontzientzat, moilara lotzen diren 44 amarratze
- 6-7 metro bitarteko luzera duten ontzientzat, moilara lotzen diren 46 amarratze
- 7-8 metro bitarteko luzera duten ontzientzat, moilara lotzen diren 19 amarratze
- 8-9 metro bitarteko luzera duten ontzientzat, moilara lotzen diren 8 amarratze
- 9-10 metro bitarteko luzera eta gehienez 4 metroko zabalera duten ontzientzat, moilara lotzen diren 7 amarratze
- 9-10 metro bitarteko zabalera duten ontzientzat, buiara lotzen diren 8 amarratze
Jolasontziak, Ondarroan lotuta
