Inauteriak Mutriku

2016/02/05

Mutrikun, Pikomelatosen kalejirarekin barikuan [otsailak 5] hasi dituzte inauteriak. Bandako kideen doinuek lagunduta, bazter guztiak alaitzen aritu dira ikastetxeetako ikasle, irakasle zein gurasoak. Denetariko mozorroak ikusi ahal izan ziren Mutrikun, baina horien artean Iparraldeko inauterietako jantziak nagusi izan ziren, Miel Otxinekin batera. Tartean, urtero hutsik egiten ez duen pertsonaia bat ere izan zen: Pikomelatos. Bere kainabera eta guzti, ingurukoei pikuak eskaintzen ibili zen. Kalejira jendetsua Beheko Plazan amaitu zen.