Markina-Xemeingo inauteriak 2017

2017/02/26

Markina-Xemeinen gaur [otsailak 26] ospatu dute inauterietako egun handia. Herritarrak hilabeteetan sekretupean gordetako mozorroak soinean atera dira kalera, eta giro ederra nagusi izan da nonahi. Gaur, gainera, inauterietako berritasunetako bat ikusteko aukera egon da zelaian. Antzar jokoa egin ordez, zaldi zinta jokoa egin dute estreinako. Bost parte hartzaile animatu dira zaldi eta behor gainean trosta bizian joanda zintak hartzera. Zaldi gainean joan direnek abilezia handia erakutsi behar izan dute zintak hartzerako orduan. Sari nagusia Iñaki Armaolea Antxi-k lortu du. Cadillac bere zaldiaren gainean joanda hamahiru zinta lortu ditu. Bigarren eta hirugarren postuak Eider Guenagak ta Aitor Uberuagak lortu dituzte, hurrenez hurren. Zinta jokoa amaitutakoan, berriz, Zerutxu dantza taldeko kideek inauterietako Zaragi dantza egin dute kalerik kale. Eurekin batera ibili da hartza pareko guztiak beldurtzen. Eguerdian, bestalde, herriko kuadrillak kalejiran atera dira txarangagaz batera. Ohiko mozorroez gainera, irudimena edarto landu dute kuadrilek janzkera bereziak kaleratzeko. Mamu ehiztariak, danborradako kideak, globo bidaiariak, euri tantak, ezkon aurreko agur festa… Era guztietako pertsonaiek alaitu dituzte kaleak. MOZORRORIK ONENAK

Umeak
- Banaka/binaka
  - Pertsona ikustezina
  - Txikle makina
  - Arraina
- Taldeka
  - Terremoto airlines
  - Lotiak
  - Heriotza
  - Mamu harrapakariak
  - Askatasunaren estatua
Nagusiak
- Banaka/binaka
  - Benidorm
  - Radmare bikingoak
  - Luciano Pavarotti
- Taldeka
  - Aerostatoak
  - Ispilua
  - Kokarra
  - Loritoak
  - Lazy town

HONEKIN LOTUTA: Inauterietako orrialde orokorra

Erlazionatutako edukiaInauteriak Lea-Artibain eta Mutrikun