Hernani2-k irabazi du Mutrikun egin den herriarteko bertso saioa
13-11 irabazi diote Arnoperi. Hernanikoak zortziko txikian eta bakarka nagusitu dira; Arnopekoak, berriz, koplatan. Bizkaiko taldekakoa Ondarroara dator biharBertso afari giroan jokatu dute Gipuzkoako herriarteko taldekako txapelketa Mutrikuko Gaztetxe...
13-11 irabazi diote Arnoperi. Hernanikoak zortziko txikian eta bakarka nagusitu dira; Arnopekoak, berriz, koplatan. Bizkaiko taldekakoa Ondarroara dator bihar
Bertso afari giroan jokatu dute Gipuzkoako herriarteko taldekako txapelketa Mutrikuko Gaztetxean. Eta bi tadeek saio dotorea egin bazuten ere, Hernani2 taldea nagusitu zen, Arnope taldeari 13-11 irabazita. «Hernanikoak nagusitu ziren zortziko txikian eta bakarka, eta koplatan, Arnope taldea nabarmendu zen».60 bat lagunen aurrean giro ederrean jokatu zen Arnope (Mutriku, Deba eta Mendaro) eta Hernani2 taldeen arteko norgehiagoka. Arnope taldetik Xabi Astigarraga, Imanol Lekunberri Txilin eta Antton Aizpuruak parte hartu zuten, eta Hernani2 taldetik, berriz, Oier Iurramendi, Iker Osa eta Iker Ormazabalek. «Aipagarria izan zen Iker Ormazabal gaztetxoak 16 urterekin erakutsi zuen ofizioa, eta entzuleengandik jaso zituen txaloak». Eta Gaztetxean «ederto batean» afaldu eta gero, Unai Belaustegi gai jartzailea izan zuten gidari sei bertsolariek.
Arraunak eskuan
Saioari hasiera Arnope taldeak eman zion, agur dotorearekin. Arraunak eskutan eta mahonezko marinel arropak soinean jantzita, trikitiaren laguntzarekin bertsokatu zituzten Mutrikuko kantuak, eta giro beroa sortu zen hasieratik Gaztetxean.
Agurren ondoren, «bizi eta azkar» joan zen saioa. Bi taldeek nahikoa saio parekatuak egin zituzten ofiziokako bertsoaldietan, puntu erantzunetan eta oinak emandako ariketetan. Eta saioaren amaieran, zaleek ondo pasatu zutela argi utzi zuten
Bizkaiko txapelketa
Gipuzkoako txapelketaz gain, Bizkaiko taldekako txapelketa ere martxan hasita dago, eta bihar txapelketaren saio bat jokatuko da Ondarroan. Bertan, Ondarroako Arri-Botx Bertsutan taldearekin batera, Eta abarrak eta Koipelustre’s taldeak ariko dira kantuan.
Antolatzaileek iragarri duenez, hiru saio eskainiko dituzte Ondarroan. Toki bakar batean egin beharrean, hainbatetan ariko dira kantuan; lehenengo saioa 19:00etan egingo dute, Anaitasuna tabernan. Eta hurrengo bi saioak, ostera, Gaztetxean eta Beikoizinin egingo dituzte, hurrenez hurren. Lehenengoa 20:30ean hasiko da, eta bigarrena 23:00etan.
