San Pedro Eguneko ekimenak hastekotan daude. 12:30ean emongo zaie hasiera, meza nagusiagaz. Ostean, Esteban eta David Irusta Mallea anaiek organo kontzertua emongo dute, eurek Munitibarko herriari oparitutako organoan. 14:30ean frontoira pasatuko da jaia: bazkaritan batuko dira erretiratuak. 20:00etan botako dute txupina, eta gaua ailegatuta, 22:30ean Lotxo taldeagaz erromerian batuko dira. Bihar, Irrien Lagunak klubaren ikuskizunagaz hasiko dira ekimenak, 12:00etan. Luze joango da asteburua, aspertzeko tarterik barik. Ekainak 29, gaur (San Pedro eguna) - 12:30ean, meza nagusia. - 14:30ean, jubilatuen bazkaria, frontoian. - 20:00etan, txupina. - 22:30ean, Lotxo taldeagaz erromeria. Ekainak 30, bihar - 12:00etan, Irrien Lagunak: Kultura plazara ikuskizuna. Eguraldiaren arabera, plazan, frontoian edo udaletxeko aretoan eskainiko dute saioa. - Bitartean, I. Gisatu Txapelketari hasiera emongo diote. - 14:30ean, Gisatuen aurkezpena eta sari banaketa (3 sari). -Arratsaldean, Txapela Jaurtiketa Lehiaketa plazan. (Saria, xanpain botila). - 19:00etan, Lekeitioko tinbaleroak. - 22:30ean, Erromeria: Joxe Mendizabal. Uztailak 1, domeka - 11:00etatik 13:00etara, joko maratoia, Oizpe egoitzako joko gela barrian. Parte hartzeko, egunean bertan edo aurreko egunean be emon dezakete izena bikoteek (Saria: 100 euro bikote irabazlearentzako). - 13:00etatik 15:00etara, Lekeitioko Aittitta Makurra taldea kantu kantari, herrian zehar. - 16:00etan, pilota partidak frontoian. - 20:00etan, Johnny & Joseph: This is the Basque Country.
Estatuaren gehiegikeriak 1960. eta 1978. urteen artean eragindako giza eskubideen urratzeen biktima batzuei behintzat egindako mina aitortu eta kalte-ordainak emateko Eusko Jaurlaritzak onartutako dekretua indarrean da. Hilaren 20tik aurrera, zabalik dago ordainak eskatzeko aukera. Antxone Telleria lekeitiarra izango da ordain horiek jasoko dituztenetako bat. Antxone Telleria ia hiltzeraino jipoitu zuen Guardia Zibilak 1977an, eliza bateko itxialditik aterarazita. Aitorpena «oso-oso berandu» etorri arren, eskertzen du. Baikor izan nahi du Antxone Telleriak (Lekeitio, 1956). Gauza txarrak, minak, sufrimendua, ahazteko joera du; garrantzia gehiegirik eman gabe gordeta uztekoa. Baina ahaztuegi sentitu da 35 urteotan. Baztertua. Ez aitortua. «Abusatua». 1977an guardia zibilek burezurra eta aurpegia hautsi zikiotenetik berekin daramatza minak; fisikoak eta ikusi ezin direnak. Jasan zuen jipoiaren ondorenek bere horretan jarraitzen dute. Ondorio fisikoei medikuntzaren eta pazientziaren laguntzaz aurre egiten saiatzen da. Sentimenduzkoak gainditze aldera, bide onean ikusten du Eusko Jaurlaritzak martxan jarritako dekretua. Beranduegi datorrela dio. Gabeziak dituela. Baina begi onez begiratzen dio neurriari: «Lehenengo pauso bat da». Alde onena «hasi egin direla, mugitu egin direla» dela dio. «Ausardia» aitortu dio hargatik Jaurlaritzari, jarraipena izango duen bidearen lehen urratsa besterik izango ez den esperantzarekin. 21 urte bete zituen egunean etorri zitzaion Telleriari bizitza aldatu zion gertaera: 1977ko otsailaren 26an. Mugimendu handiko garaia zen, [...]
Kareletik herri aldizkaria plazaratuko du gaur, Lekeitioko Udalak. Euskarri horren bidez, udaletxean gertatzen denaren barri herritarrei emotea dute asmoa. Lehenengo alean, Abaroa Jauregiaren inguruko erreportaiak, albiste laburrak, batzordeen aurkezpena, kale antzerkiaren erreportaia, San Pedroren inguruko testua, eta Urtzi Iriondo bandako zuzendariari egindako elkarrizketa bildu dituzte. «Kareletik izena jarri diogu aldizkariari, izan be, kareletik egiten delako arrantza eta kareletik munduari begiratu ahal zaiolako», azaldu du udalak. Eurak be kareletik begiratuko diotela herriari esan dute. «Denok ontzi berean, geure herriari buruz», adierazi dute.
Mandazketak antolatutako helduen danborradan izena emateko eguna zehaztuta dago. Uztailaren 6an egin beharko da, barikua, Mandazketa elkartean, 19:00etatik aurrera. Entseguak, bestalde, uztailaren 9an hasiko dira, 22:00etan, Merkatu Plazan.
Jon Maiak zuzendutako Gazta zati bat dokumentala Bide Onera zine aretora daroa bihar Uxola elkarteak 22:00etan. Jon Maiak berak aurkeztuko du lana. Dokumentala Idiazabalgo Nazioen Mundua herri ekimenak eroan du aurrera, eta euskal gatazkaren gaia era b...
Markina-Xemeingo musika eskolak kurtso amaierako 20. kontzertua eskainiko du barikuan 19:00etan Uhagonen. 6 eta 16 urte bitarteko ume eta gazteek, pianoa, trikitixa, panderoa, txistua, danbolina eta zeharkako txirulagaz hainbat pieza joko dituzte.
“Legea bete ez izateagatik” Espainiako Estatuaren abokatuaren demanda jaso ostean, eta udal ordezkarientzat eta udalarentzat atzera ezinezko kalteak sor daitezkeela ikusita, Mutrikuko Udalak, «beste aukerarik izan gabe», Espainiako bande...
Kaxarrankak, dantzak…beti-betiko egitaraua bada be, herritarrek ez diote hutsik egin nahi izan San Pedro Egunari. Egun handia da gaurkoa lekeitiarrentzat, hori dela eta goiz hasi dute jaia, dei eittekoen deiagaz. Urtero modura, lekeitioko Udaleko alkate eta zinegotzi, kofradiako lehendakari eta arduradunek udaletxetik elizarainoko prozesioa egin dute, Lekittoko Musika Bandak lagunduta, eta meza ostean San Pedroren omenezko prozesioa egin da San Pedroren portuko irudi aurrera arte. Ohitura zaharrari jarraituz, kilin-kalakoa egin dute hantxe, eta gero zain egon dira lekeitiarrak eta bisitariak Kaxarranka ikusteko. Gogoz txalotu dute dantza ikusgarria eta Asier Uskola dantzariak kaxa gainean erakutsitako trebezia. Dantza bat amaituta bestea ikustera joan dira plazara, bertan egin dute eta Lekeitioko Etorkizuna Dantza Taldeko neskek aurreskua. Argazki galeria ikusi.
De bote en bote konpainiak, akrobaziak, malabareak, antzerkia eta musika uztartzen dituen Argotu izeneko zirko ikuskizuna eskainiko du zapatuan, 19:30ean Arkupe aurrean. Publikoaren parte hartzea, umorea, eta jolasaren bidez, mundu osotik etorritako ar...
Dantza giroa izango da nagusi aurten, San Martin auzoko jaietan. Euskal Herriko usadioak bultzatzeko asmoz, dantza solte txapelketa antolatu zuten auzokoek orain dela urte batzuk, eta egitasmo berari kolpe diote aurten be. Horrela, Euskal Herriko txapelketetan aritzen diren 15 urtetik beherako zortzi bikotek dantza egingo dute domekan, San Martin baselizaren aurreko landan. Aurtengo barritasuna dantza soltea baldin bada be, horretaz gainera, beste hainbat ekimen prestatu dituzte auzotarrek San Martin jaiak ospatzeko. Horrela, egun osoa jai giroan pasatzeko aukera egongo da. Egitaraua: 10:00. San Martingo III. Martxa. 11:30. Herri meza. Ostean. Aurreskua. 13:00. Dantza solte txapelketa. 200 euro 150 euro 100 euro. 14:00. 25. Paella Txapelketa. Sariak: 60 euro eta garaikurra 50 euro 40 euro Bi txanpan botila. 16:00. Umeen jolasak eta txokolatada. 17:00. XXVIII Mus Txapelketa eta XXV. Briska Txapelketa. Sariak: 180 euro eta txapelak 120 euro eta garaikurrak 90 euro 60 euro. 19:00. Zozketa. Egun guztian zehar. Angel Egia arituko da giroa alaitzen.
Ondarroako Udalak diru laguntza deialdiak onartu ditu dekretu bidez. Batetik, euskara ikastaroak egin dituzten herritarrentzat laguntzak egongo dira. Deialdi horren helburua da herritarrei diru laguntzak ematea 2011-2012 ikasturtean egin dituzten euska...
15.000 kilo hegaluze lehorreratu zituen Ondarroako Kalare Deuna kofradian Bermeoko Del mar ontziak atzo. Era horretan, hegaluze kanpaina martxan dagoela esan daiteke. Zortzi eta bost kilo bitartekoak izan ziren garauak, eta bentan 5,50 eurotik 4 euro bitarteko prezioa egin zuten. Herriko itsasontziei dagokienez, Itoitz kazako ontzia baino ez dabil oraingoz hegaluzetan. Gainerakoek San Pedro jaiak amaitutakoan hasiko dute kanpaina. Antxoa kanpaina, bestalde, azkanak emoten dago. Teorian, eta Bruselak uztailaren 1etik aurrera kanpaina barriro irekitzen ez badu, bihar amaituko da. Asteon 40-50eko arrainak izan dira lehorreratu dituztenak: 4 eurotan saldu da garestiena eta euro 1ean merkeena. Txitxarro baltz dexente be ekarri dute: 80.000 kilo (0,55 euro).
Heldu da sariak banatzeko momentua. Epaimahaiak erabakia hartuta dauka, eta orain, Motz-Motzian film laburren lehiaketako sariak banatzea baino ez da geratzen. Bihar izango da 20:00etan, Zabiel Kultur Etxean. Hiru sari egongo dira: batetik, 18 urtetik gorako bat, sari nagusia; bestetik, 18 urtetik beherako lan onenari emango zaiona. Horrek biek Xiri Andonegik egindako harrizko kamaraz gain, sari berezi bat ere izango dute. Maila horietako irabazleak zeintzuk diren epaimahaikideek aukeratu dituzte. Ainhoa Aierbe aktorea, Tessa Andonegi aktorea, Alberto Juarez telebistako artezlea, Urtzi Manterola telebistako laguntzaile teknikoa eta Aurora Ansorregi Kalaputxiko kidea dira aurtengo epaileak. Hirugarren eta azken saria herritarrena izango da (Xiri Andonegiren harrizko kamara), eta joan den ostiralean Zabielen batu zirenen artean aukeratu zuten. Umeen saria Iñigo Gorrotxategik emango du; publikoarena Xiri Andonegiren familiak, eta irabazlearen saria epaimahaikideek.
Subiranotasunaren gaia jorratuko dute barikuan, Uhagon kulturguneko erakusketa gelan, Iñaki Antiguedad eta Xabier Ezeizarbarrena hizlarien laguntzagaz. Patxi Juaristi soziologo eta idazle markinarrak aurkeztu eta gidatuko duen mahai inguruaren helburua gaiaren inguruan hausnartzea izango da. Ordu bete inguruan jardungo dute geologiako irakasle, ikertzaile, eta politikariak, eta EHUko irakasle eta abokatuak, subiranotasunari lotutako gaiak jorratzen. Besteak beste, subiranotasuna zer den, Euskal Herriari zer ekarriko liokeen, zazpi probintziak kontuan hartuko lituzkeen estatua lortzea posible den, eta nazioarteko eragina edo kohesio soziala lortzeko zer egin beharko litzatekeen landuko dutela aurreratu dute. Hizlarien txanda amaituta, galderen txanda zabalduko dute. Mahai-ingurua 20:30ean hasiko da.
Berriari eta euskal prentsari zelan lagundu diezaieketen herritarrei informatzeko, ziztadaren lokala egon da zabalik Eskolapean ekain osoan. Egitasmo horreri amaiera emoteko asmoz, Ziztada Maratoia antolatu dute zapaturako. Horrela, Eskolapean bertan, ...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
