Greba egunagaz bat egin dute Lea-Artibaiko eta Mutrikuko enpresa gehienek

Lea-Artibai eta Mutrikuko Hitza

Lea-Artibai eta Mutriku

2012/09/26

(Mutrikun egindako manifestazioko argazkia)

Lea-Artibai eta Mutrikuko enpresa gehienek grebagaz bat egin dute. LABek azpimarratu duenez, arrantza sektoreak be bat egin du grebagaz. “Oso pozik gaude greba edukitzen ari den jarraipenagaz. Gehiengoak bat egin du eta balorazio ona egiten dugu”, adierazi du Jota Gallastegi LABeko arrantza arduradunak.

(Ondarroako Itsasaurre kalea, goizean, hutsik, eta tabenak itxita)

Udaletxeak be zarratuta egon dira.

Herririk herri:

Ondarroa: udaletxea, denda txikiak eta lantokiak itxita.
Markina-Xemein: udaletxea, denda txikiak eta lantokiak itxita.
Berriatua: dena itxita, Kide eta Goioaga kontserba lantegia izan ezik.
Mutriku: Galdonako taberna izan ezik, gainerako dendak eta enpresak itxita daude.
Lekeitio: goizean, pikete informatiboak joan eta gero, Eroski eta Correos itxi dituzte (zabalik zeuden bakarrak ziren). 09:30ean 100 lagun inguruk kalejira egin dute. BBVA eta Kutxabank gorriz margotuta agertu dira goizean.
Etxebarria: Enpresa handiak itxita (Eika, Ansola eta Fagor Arrasate).
Aulesti: elkarretaratzeetan (12:30 eta iluntzean) 80 pertsona inguru elkartu dira.
Herri txikiak: dena itxita.
Eskualdea orokorrean: LABek jarraipen oso ona egin dela esan du. “Lehenengo balantzea oso ona da. Portua be 09:30etik aurrera gelditu egin da”. Orokorrean, Lea-Artibai eskualdean oso jarraipen ona egiten ari direla esan du.

Ondarroako argazkiak:

Markina-Xemeingo argazkiak:

Aulestiko argazkiak:

Bilboko manifestazioan egon dira Lea-Artibaiko herritarrak: