1. Eguna Ondarroako Aske Gunean: egunak emandakoa
http://www.youtube.com/watch?v=mmD0nuIFC7Y 12:45ean agertu zen Urtza Alkorta Ondarroako Alamedara. Herritarren txalo artean, lehenengo animo oihuak entzun ahal izan ziren. Momentu hunkigarria izan zen. Urtza Alkortak eskerrak eman eta lurrean eseri zen. Herri harresia eraikitzen hasi ziren herritarrak.
12:45ean agertu zen Urtza Alkorta Ondarroako Alamedara. Herritarren txalo artean, lehenengo animo oihuak entzun ahal izan ziren. Momentu hunkigarria izan zen. Urtza Alkortak eskerrak eman eta lurrean eseri zen. Herri harresia eraikitzen hasi ziren herritarrak.
Lehenengo eguneko kronika, orduka:
- 11:00. Goizeko lehen orduan normaltasuna izan da nagusi Ondarroako Alamedan. Herritarrak herri harresia egiteko prestaketa lanak egiten daude. Hitzordua 12:30ean dago jarrita. Ordu horretan hasiko dira herritarrak herri harresia eraikitzen. Eta aurreikuspen guztien arabera, Urtza Alkorta be ordu horretan agertuko da Alamedara.
- 12:15. 100 lagun inguru daude Ondarroako Alamedan momentu honetan. Dana prest dago herri harresirako. Aurreikuspenen Arabera, Urtza Alkorta 12:30ean agertuko da Alamedara.
- 12:30. LAB sindikatuko eta EHBilduko ordezkariak, tartean Maribi Ugarteburu eta Unai Urruzuno eskualdekoak Alamedan daude Urtza Alkortari babesa eskaintzen.
- 12:40. Txerra Bolinaga Eleak mugimenduko bozeramailea be Ondarruko Alamedan dago.
- 12:47. Lehenengo asanblada hasi da.
- 12:58. Herria beragaz dagoela esan diote bertsotan Urtza Alkortari.
- 12:53. Urtza Alkorta agertu da.
- 13:05. Kamiseta laranjak banatzen ari dira Alamedan.
- 13:15. Urtza Alkorta: Hauxe da bidea, konponbide garaia da, eta aurrea egingo dugu!
- 13:55. Joseba Palenzuela Mutrikuko alkatea be Alamedan dago.
- 14:07. Turrunak jo du eta herritarrak plaiko zubian hasi dira jartzen Urtza Alkortaren inguruan.
- 14:14. Alarma faltsua. Herri harresia barriro Alamedan geratu da.
- 14:15. Eguneko egitarauak aurrera jarraitzen du, normaltasunez. Herriko musikariak emanalditxoa eskaini dute.
- 15:00etatik aurrera, egitarauak aurrera jarraitu du, gauera arte, normaltasunez. Herriko musikarien eta idazleen emanaldiak eta hitzaldiak izan dira tarteka.
- 00:30ean, Tximiletak film laburra ikusi eta gero, isiltasuna eskatu da Aske Guneko akanpalekuaren alderdian, batzuk deskantsatu ahal izateko.
Erlazionatutako edukiaEH Bilduren, Elea mugimenduaren eta Ondarroako Udalaren adierazpenak
