Garapen kontseiluko ondorioak azalduko dira bihar Lekeition
Lekeitioko garapen kontseiluan ateratako ondorioak aurkezteko saio irekia egingo dute bihar, 18:00etan, Barandiaran aretoan.
Herri hausnarketa prozesua aurrera doa. Herritarrekin diagnostikoa osatu zen lehenengo, eta ostean, adar bitan banatu zen prozesua. Alde batetik, garapen ekonomikoari dagokion adarra; bestetik, hirigintzari dagokiona.
Biharkoa saioa garapen kontseiluan ateratako ondorioak elkarbanatu eta osatzeko saioa izango da, eta herritar guztiei zabalik egongo dela jakin eragin dute Lekeitioko Udaleko arduradunek. Batzarraren helburua herrian garapen ekonomikoari dagokion erronka eta ekintza nagusien dokumentua osatzea izango dela esan dute antolatzaileek. Saioa parte hartze bidezko metodologia bategaz dinamizatuko da.
Orain arte garapen kontseilua garapen ekonomikoaren ikuspegitik herrian landu behar diren erronka eta ekintzak lantzen ibili da. Eragile izan daitezkeen pertsona eta taldeekin osatuta dago, eta egindako saioen ondoren, herrian heldu beharreko erronka eta ekintza nagusiei buruzko ondorio batzuetara heldu izan dira.
