Geoparkeen Astearen lehenengo ekimena zapatuan izango da 20:00etan Zabiel etxean
Zapatuan hasiko da Mutrikun, Europar Geoparkeen Astea eta ekainaren 9ra bitartean egingo dira ekimenak. Aurkezpen ekitaldian Mutrikuko Alkate Joseba Palenzuelak parte hartu zuen, Debako alkate, Geoparkeko gerente eta zuzendari zientifikoarekin batera.
Geoparkearen astea europako geoparke guztietan egiten da aldi berean, lurralde bakoitzeko ondarea herritarrengana hurbiltzeko asmoarekin.
Ekimenaren helburua, bertako ondare natural, geologiko eta kultural baliotsua herritarrei eta bereziki Mutriku, Deba eta Zumaiako biztanleei gerturatzea dela azaldu zuten atzoko agerraldian. «Horretarako, hamaika jarduera antolatu dira Geoparkea osatzen duten hiru herrietan, hitzaldiak, umeentzako tailerrak, doako bisita gidatuak eta bestelako ekitaldiak», azaldu zuten.
Europar Geoparkeen Astea Geoparkea kudetzeaz arduratzen den elkarteak antolatzen du. kide sortzaileen artean dago Mutrikuko Udala, Debakoagaz eta Zumaiakoagaz batera, eta Gipuzkoako Foru Aldundiaren laguntza dauka.
Mutrikun, hasiera
Zapatuan hasiko da Mutrikun Geoparkeen astea, berrikuntzetako batekin: Nortzuk izan ginen eta nortzuk gara izeneko ekimenarekin. 20:00etan izango da ekitaldia Zabiel etxean
.
Ekimenaren bidez geoparkearen elementu garrantzitsu bat bistaratu nahi da: ondarea. «Ondarea oso hitz zabala da: kulturak, ohiturek, tradizioek… osatzen duten sistema da, eta sistema horri gorputza ematen diotena herritarrak dira», azaldu dute antolatzaileek. «Herritarrak dira Geoparkearen arima eta horretaz jabetzea da lortu nahi dugua», gaineratu dute.
Ekitaldian Anaiarte Abesbatzak eta Gure Ametsa Dantza taldeak parte hartuko dute. Gainera, Badiharduguk egindako hiru bideo ere eskainiko dira. Horretan, Geoparkea osatzen duten hiru udalerrietako herritarrek bertokoak diren gaien inguruan egindako testigantzak entzun ahal izango dira.
Maiatz osoan ekimenak
Beste ekimen batzuk ere egingo dira Geoparkeen astean.
Maiatzaren 25ean, Nautilus Ikasgune Geologikoak ate irekien jardunaldia egingo du, Mutrikuko historia geologikoa ezagutzera emateko. Jardunaldia 10:00etatik 14:00etara eta 16:00etatik 19:00etara izango da.
Gainera, 12:00etan, Mutrikuko flysch beltza. 110 milioi urteko historia liburuaren aurkezpena egingo da Nautilusen. Jesus Mari Narvaez Nautiluseko fosil bildumaren jabea egongo da bertan.
Maiatzaren 31n, berriz, umeentzako tailer geologikoak egingo dira Mutrikun, Deban eta Zumaian, 18:00etatik aurrera.
.
Ekimenaren bidez geoparkearen elementu garrantzitsu bat bistaratu nahi da: ondarea. «Ondarea oso hitz zabala da: kulturak, ohiturek, tradizioek… osatzen duten sistema da, eta sistema horri gorputza ematen diotena herritarrak dira», azaldu dute antolatzaileek. «Herritarrak dira Geoparkearen arima eta horretaz jabetzea da lortu nahi dugua», gaineratu dute.
Ekitaldian Anaiarte Abesbatzak eta Gure Ametsa Dantza taldeak parte hartuko dute. Gainera, Badiharduguk egindako hiru bideo ere eskainiko dira. Horretan, Geoparkea osatzen duten hiru udalerrietako herritarrek bertokoak diren gaien inguruan egindako testigantzak entzun ahal izango dira.
Maiatz osoan ekimenak
Beste ekimen batzuk ere egingo dira Geoparkeen astean.
Maiatzaren 25ean, Nautilus Ikasgune Geologikoak ate irekien jardunaldia egingo du, Mutrikuko historia geologikoa ezagutzera emateko. Jardunaldia 10:00etatik 14:00etara eta 16:00etatik 19:00etara izango da.
Gainera, 12:00etan, Mutrikuko flysch beltza. 110 milioi urteko historia liburuaren aurkezpena egingo da Nautilusen. Jesus Mari Narvaez Nautiluseko fosil bildumaren jabea egongo da bertan.
Maiatzaren 31n, berriz, umeentzako tailer geologikoak egingo dira Mutrikun, Deban eta Zumaian, 18:00etatik aurrera. 
