Etorkizuneko eredu soziala jokoan dagoela diote sindikatuek

Lea-Artibai eta Mutrikuko Hitza

Lea-Artibai eta Mutriku

2013/05/30

Gaurko greba orokorrera deitu duten sindikatu eta gizarte eragileen ustez, mobilizatzeko garaia da, agintari ekonomiko eta politikoek hartu duten bidea iraultzekoa. Egungo krisi ekonomikoa gainditzen deneko ereduaren norabidea orain zehaztuko dela ohartarazi du Ainhoa Etxaide LABeko idazkari nagusiak: “Etorkizuneko eredu soziala nolakoa izango den dago jokoan”. Neoliberalismoaren bidetik hartzen ari diren neurrien aurrean “aktibatu” beharra aldarrikatu du. “Herritarrok aldaketa prozesu bat bultzatu eta burura eramateko gai bagara, asko dugu irabazteko”.

Adolfo Muñoz ELAko idazkari nagusiaren iritziz, neoliberalismoak herritarrei bidaltzen dizkien “desesperazio mezuei” aurre egiteko garaia da. Eskubide eta politika sozialen murrizketa gehiago etorriko direla iragarri du Muñozek, baina bide hori aldatzea posible dela adierazi du. Greba Orokorrerako mobilizazioak herriz herri Aulesti

10:30ean, Herri asanblada, plazan.
12:00etan, Markina-Xemeingo manifestaziorako deia egin dute.
18:00etan, elkarretaratzea, plazan.

Lekeitio

09:30ean, manifestazioa Eskolapetik hasita. Ostean, Bilboko manifestaziora joango dira.
16:30ean, kafe tertulia, Eskolapean.
18:30ean, Manifestazioa Eskolapen.
Bihar, mobilizazioak murrizketen kontra, osasungintzan eta hezkuntzan.

Markina-xemein

18:30ean, manifestazioa, Arkupetik hasita.

Mutriku

09:00etan, manifestazioa egingo dute; ostean, Donostiako manifestaziora joango dira bertatik.

Ondarroa

10:00etan, mobilizazioa Alamedan, eta, ostean, Bilboko manifestaziora joango dira bertatik.
18:00etan, mobilizazioa Alamedan.

Enpresen atxikimenduak Komiteak

Erabil
Nemak
Ondarroako Udala
Lea Artibaiko Amankomunazgoa

Delegatuak

Agirreo
Dentici
Lekeitioko Udala
Armearri
Kautobe
Conservas Ortiz Lekeitio
Zabala MT
Canteras de Markina
Learrio
Fundaciones Goikoetxea
B. Lux
Miguel Angel Eguren
Firgorifika Sta Clara
Portugarbi
Urre