Euskal ezkontza antzeztuko dute domekan Gora Buruk antolatuta
37. urtez jarraian antzeztuko dute domekan Lekeition euskal ezkontza. Gora Buru kultur elkarteak antolatuta, 12:00etan irtengo dira Batzokitik ezkontide eta gonbidatuak, eta handik, plazara joango dira ezkontza agiria irakurtzera.
Notarioak Anbrus Mailabiabarrena eta Josepa Meabe-Ansorena ezkonduko ditu plazan. Aurtengoan, horiek ordezkatuko dituzten aktore gazteak Asier Abaroa eta Maria Benitez izango dira. Ondoren, herrian zehar kalejiran jarraituko dute, eta arratsaldean dantza ikuskizunek alaituko dute plaza.
Aurten, berezitasun moduan, burdiaren jaztea jendaurrean egingo dute. Zapatuan izango da hori, 16:30ean, Eskolapean. «Eguraldiak lagundu beharko du apainketa egin ahal izateko, hiru orduko beharra da eta», azaldu dute antolatzaileek.
Euskal ezkontzaren helburua, aintzina Euskal Herrian egiten ziren ezkontzen berezitasunak jendeari hurreratzea dela azaldu dute Gora Buru elkartekoek. «Ospakizuna Euskal Jaiaren barruan kokatzen dugu, lehenagoko tradizioagaz batera, gaur egungo euskal kultura be plazaratzeko», azaldu dute.
Egitaraua
Ekainak 22, zapatua
16:30ean. Burdia jaztea Eskolapean.
Ekainak 23, domeka
10:30ean. Txistularien kalejira.
12:00. Euskal ezkontzaren irteera Batzokitik. Iturengo joaldunak eta Alurr dantza taldea.
13:00. Ezkontza agiria irakurtzea plazan. Ostean, kalejira herrian.
19:00. Izanak dantza ikuskizuna plazan eta Alurr dantza taldea.
Egitaraua
Ekainak 22, zapatua
16:30ean. Burdia jaztea Eskolapean.
Ekainak 23, domeka
10:30ean. Txistularien kalejira.
12:00. Euskal ezkontzaren irteera Batzokitik. Iturengo joaldunak eta Alurr dantza taldea.
13:00. Ezkontza agiria irakurtzea plazan. Ostean, kalejira herrian.
19:00. Izanak dantza ikuskizuna plazan eta Alurr dantza taldea. 
