Garapen ekonomikoari buruzko ondorioen eta erronken aurkezpena, bihar
Bihar aurkeztuko dituzte Lekeitioko Garapen Ekonomikoaren kotseiluak egindako hausnarketa estrategikoari buruzko emaitzak. Barandiaran aretoan jarri dute zita, 18:00etan.
Lekeitioko Udalak herri hausnarketa jarri zuen martxan orain dela hile batzuk, eta tartean, Garapen Ekonomikoari buruzko hausnarketa be egin da herritarrekin.
Saio ugariren ostean, herrirako erronkak eta ekintzak identifikatu dituzte denen artean, eta bihar egingo dute horien aurkezpena.
Herritarrek arloz-arlo landu dituzte herriko gaiak, eta horrela ondorioztatu dituzte hemendik aurrerako erronkak eta egin beharreko ekintzak.
Landutako arloak hurrengoak dira: Nekazaritza eta arrantza; industria, azpiegiturak, energia; turismoa; merkataritza; eta ostalaritza.
Gai horiei dagokienez, helburuak erronkak eta egin beharreko ekintzak planteatu dituzte.
Bestetik, gai horien inguruan lehentasunak be markatu dituzte herritarrek. Horrela, datozen urte eta erdirako lehentasuna izan behar duten ekintzak zehaztu dituzte, legegintzaldiak iraun artekoak.
Hausnarketa horretan ateratako emaitzak Garapen Ekonomikorako Batzordeak kudeatuko ditu. Batzordea ordezkari politikoek, eragileek, herritarrek eta Lea-Artibai Garapen Agentziakoek osatzen dute. Hilean behin alkartzen dira.
Orain, bere funtzioa herritarren artean sortutako dokumentuagaz erronkak eta ekintzak planifikatzea izango da.
Garapen batzordeak lantaldeak sortuko ditu gai zehatzak lantzeko edo behar desberdinen arabera.
