Kalbaixotako bertso jaialdia egingo da barikuan, Mutrikun
Beste behin ere Mutrikuko Bertso Eskolak puntako lau bertsolarirekin egingo du barikuan Kalbaixotako bertso jaialdia. Saioa 22:30ean hasiko da, Miruaitz pilotalekuan. Sarrerak saioa hasi aurretik salduko dira, leihatilan bertan. Bertsolariak ondokoak izango dira: Alaia Martin, Iker Zubeldia, Nerea Elustondo eta Unai Iturriaga.
Saioa «orekatua» izateko apustua egin nahi izan du Mutrikuko Bertso Eskolak. Hartara, «erantzuteko joera duten bertsolariak» aukeratu ditu bertso eskolak. «Saio alaia izatea espero dugu, bi umore estilorekin: Iturriagaren ironia puntua eta Zubeldiaren erantzunak. Elustondok eta Martinek ere txispa badaukate eta saioa borobiltzea espero dugu», adierazi du Xabi Astigarraga Mutrikuko Bertso Eskolako kideak.
Sarreren prezioari dagokionez, sarrerak bost eurotan egongo dira salgai, pilotalekuan bertan. «18 urtetik beherakoek eta langabetuek ez dute ordaindu beharrik edukiko», azaldu dute bertso eskolako kideek.
Aitzol Astigarraga, gai jartzailea
Gai jartzaile lanetan Aitzol Astigarraga mutrikuarra arituko da. «Gaiak aurreratzerik ez dago, baina esan dezaket saiatuko dela Mutriku inguruko gertaerak ukitzen dituzten gaiak sartzen», adierazi du Xabi Astigarragak.
Saioak herritarrengan edukiko duen harrera aurreikusterakoan, erantzuna, «beti bezala», ona izango delakoan daude bertso eskolako kideak. «Ea frontoia girotzen dugun eta jendea gustura gelditzen den. Bide batez, herritar guztiei luzatu nahi diegu bertaratzeko gonbidapena».
Horrela ba, beste behin ere, Kalbaixo jaiei bidea egingo dien bertso jaialdiak jai giroa piztuko du herrian. Eta aurreko urteetan gertatu bezala, beste urte batez, Miruaitz pilotalekua bete-bete egingo den aurreikuspena egin dute antolatzaileek.
Saioa «orekatua» izateko apustua egin nahi izan du Mutrikuko Bertso Eskolak. Hartara, «erantzuteko joera duten bertsolariak» aukeratu ditu bertso eskolak. «Saio alaia izatea espero dugu, bi umore estilorekin: Iturriagaren ironia puntua eta Zubeldiaren erantzunak. Elustondok eta Martinek ere txispa badaukate eta saioa borobiltzea espero dugu», adierazi du Xabi Astigarraga Mutrikuko Bertso Eskolako kideak.
Sarreren prezioari dagokionez, sarrerak bost eurotan egongo dira salgai, pilotalekuan bertan. «18 urtetik beherakoek eta langabetuek ez dute ordaindu beharrik edukiko», azaldu dute bertso eskolako kideek.
Aitzol Astigarraga, gai jartzailea
Gai jartzaile lanetan Aitzol Astigarraga mutrikuarra arituko da. «Gaiak aurreratzerik ez dago, baina esan dezaket saiatuko dela Mutriku inguruko gertaerak ukitzen dituzten gaiak sartzen», adierazi du Xabi Astigarragak.
Saioak herritarrengan edukiko duen harrera aurreikusterakoan, erantzuna, «beti bezala», ona izango delakoan daude bertso eskolako kideak. «Ea frontoia girotzen dugun eta jendea gustura gelditzen den. Bide batez, herritar guztiei luzatu nahi diegu bertaratzeko gonbidapena».
Horrela ba, beste behin ere, Kalbaixo jaiei bidea egingo dien bertso jaialdiak jai giroa piztuko du herrian. Eta aurreko urteetan gertatu bezala, beste urte batez, Miruaitz pilotalekua bete-bete egingo den aurreikuspena egin dute antolatzaileek. 
