Beste urtebetez, Mendexako Udalak ludoteka zerbitzua eskainiko die herritarrei
Beste urtebetez, Mendexako Udalak ludoteka zerbitzua eskainiko duela jakinarazi du. Hain zuzen, irailaren 21ean jarriko dute martxan aipatu zerbitzua, eta ekainaren 21ean emango dute bukatutzat. Zapatuetan eskainiko du ludoteka zerbitzua, 09:30etik 12:30era.
3 urtetik 12 urtera bitarteko umeei zuzendutako zerbitzua da aipatutakoa; beraz, tarte horretako umeek barikura arte izango dute izena emateko aukera. Interesa dutenek, beraz, udaletxerabertara jo beharko dute, edo bestela telefono bidez (94 684 21 06 zenbakira deituta) edota posta elektronikoz mezua bidalita (arantza@mendexa.net edota arantza@mendexakoudala.euskalnet.net) ere eman ahalko dute izena.
Ludoteka zerbitzuaren prezioa
Prezioei dagokionez, 48 euro ordaindu beharko ditu ume bakoitzak hiruhilabeteko. Dena den, ume bi edo gehiago apuntatzen diren familiek 32 euro ordaindu beharko dituzte ume bakoitzeko hiruhilabeterako. Bestalde, oinarrizko errenta edota GCL diru laguntza jasotzen duten familien seme-alabek ez dute ezer ordaindu beharko. Horretarako, baina, gizarte langileak sinatutako agiria aurkeztu beharko dute.
