Euskal Kostaldeko Geoparkeak DVDan atera du 'Flysch, haitzen hitza' dokumentala
Alberto J. Gorritiberea zinemagileak eta Asier Hilario geologoak eta Geoparkeko Zuzendari Zientifikoak zuzendutako lana da.
Dokumentalak nazioarte mailan ospe handia duten 25 zientzialariren hitzak jasotzen ditu, eta hainbat jaialditan sariak jaso ditu: nabarmentzekoa da 2010ean IAMSen eskutik (International Association of Media for Science) jasotako irudi zientifiko onenaren saria.
Flysch, haitzen hitza dokumentalak Zumaian hasten den bidaia erakusten du. Islandiako glaziar eta paisaia bolkanikoak zeharkatzen ditu ondoren, Wyomingo (AEB) paisaia zakar eta harrigarriak erakusten ditu gero, Yellowstone, munduko parke nazional zaharrenean barneratuz, eta azkenik, Mexikoko Karibeko kostaldean egiten du bidaia, dinosauroen desagertzea eragin zuen meteoritoaren inpaktuaren arrastoen bila.
Hausnarketarako gonbitea
«Gure planeta ezagutzeko bidaia zirraragarri honetan zehar, dokumentalak hausnarketarako gonbitea ere egiten du, aldaketa klimatikoaz edota krisi biologikoaz, Zumaiako itsaslabarren denbora geologikoak ematen duen ikuspuntutik begiratuta», azaldu dute Geoparkeko arduradunek.
73 minutuko iraupena dauka dokumentalak, eta euskarako eta gaztelaniako bertsioak ditu, ingelesez azpitituluak jarrita. DVDa eskuratu nahi dutenek Zumaiako, Debako eta Mutrikuko turismo bulegoetan zein Zumaiako Algorri Interpretazio Zentroan dute aukera.
Hausnarketarako gonbitea
«Gure planeta ezagutzeko bidaia zirraragarri honetan zehar, dokumentalak hausnarketarako gonbitea ere egiten du, aldaketa klimatikoaz edota krisi biologikoaz, Zumaiako itsaslabarren denbora geologikoak ematen duen ikuspuntutik begiratuta», azaldu dute Geoparkeko arduradunek.
73 minutuko iraupena dauka dokumentalak, eta euskarako eta gaztelaniako bertsioak ditu, ingelesez azpitituluak jarrita. DVDa eskuratu nahi dutenek Zumaiako, Debako eta Mutrikuko turismo bulegoetan zein Zumaiako Algorri Interpretazio Zentroan dute aukera. 
