Gure esku dago dinamika aurkeztuko dute domekan, Ondarroako Kalare Deuna kofradian
http://www.youtube.com/watch?v=dAkHgqTYxl8 12:00etan diru bilketa egingo dute, eta 13:00etan hasiko da aurkezpen ekitaldia. Begoña Anakabe, Danel Solabarrieta eta Kirmen Uribe izango dira, besteak beste, herrian antolatzen ari diren ekintzen berri emango dutenak.
12:00etan diru bilketa egingo dute, eta 13:00etan hasiko da aurkezpen ekitaldia. Begoña Anakabe, Danel Solabarrieta eta Kirmen Uribe izango dira, besteak beste, herrian antolatzen ari diren ekintzen berri emango dutenak.
Hogei bat lagun ari dira azken asteetan Ondarroan ekainaren 8an egitekoa den ekintzaren inguruan lanean. Besteak beste, Kantoipen, lehen Arriolaneko denda zegoen lekuan jendeak Elorriora joateko izena emateko lokala zabalduko dutela aurreratu dute. «Elorrioko 11. kilometroan egon behar gara ondarrutarrak. Lokalean 16 urtetik gorakoek ahal izango dute izena eman, nahiz eta gero umeek ere parte hartu ahal izango duten katean», azaldu du Txomin Letamendik. Materiala ere ipiniko dute salgai bertan. Herrian bertan kate txiki bat egiteko eta lip dub bat grabatzeko asmoa ere badagoela esan dute.
Bilera irekiak
Ondarroan eguenero biltzen dira Gure Esku Dago taldeko kideak. Bilerak Kofradia Zaharrean egiten dituzte, 19:30etik aurrera. Ateak dinamikaren parte izan nahi duten guztiei zabalik daudela gogoratu du Letamendik: «Nahi duten guztiak etor daitezke. Guk esku zabalik hartuko ditugu. Gazteen falta sumatzen dugu, eta euren ekarpena ondo legoke», nabarmendu du.
