Mutrikuko Udalak herriko kirolariak saritu ditu I. Kirolaren Galan
http://www.youtube.com/watch?v=eiE6sehXp0E&hd=1 Lau sari izan dira guztira Mutrikuko Udalak banatu dituenak: kirolari onenarena, kirol talde onenarena, kirol ibilbideari saria eta kirol alorreko aipamen berezia. Eta sariek jabea eduki zuten atzo, otsailak 21, barikua, Mutrikun egin zen I. Kirolaren Galan. Luis Mari Arrieta, Mutriku Sokatira Taldea, Loren Elezgarai eta Erik Mendizabal izan ziren saria jaso zutenak.
Guztira lau sari izan dira Mutrikuko Udalak banatu dituenak: kirolari onenarena, kirol talde onenarena, kirol ibilbideari saria eta kirol alorreko aipamen berezia. Eta sariek jabea eduki zuten atzo, otsailak 21, barikua, Mutrikun egin zen I. Kirolaren Galan. Luis Mari Arrieta, Mutriku Sokatira Taldea, Loren Elezgarai eta Erik Mendizabal izan ziren saria jaso zutenak.
Luis Mari Arrietari eskaini zioten lehendabizi saria, aipamen bereziarena. Arrieta duela bi hilabete zendu bazen ere, saria emateko erabakia bera hil aurretik hartu zutela esan zuen Iban Arrunategi Mutrikuko kirol zinegotzi eta alkateordeak. “Beraz, akaso, sariak balio bikoitza dauka”. Bere bizitza osoan Arrietak futbola sutsuki maite izan zuela eta Mutriku Futbol Taldea bere buruan eta bihotzean beti eraman izan zuela azpimarratu zuen Mutrikuko Udalak. “Asko borrokatu zuen Mutriku F.T. aurrera ataratzeko. Gizon alaia, atsegina eta geldik ezin zena egon zen”. Horregatik guztiagatik eta gehiagogatik, “Mutrikuko futbolaren alde lan eskerga itzela egin duelako”, aipamen berezia egin zioten I. Kirolaren Galan.
Saria haren emazte Belen Garmendiak jaso zuen. Une hunkigarria izan zen eta herritarren txalo zaparradak lagundu zio Garmendiari saria jasotzen. Joseba Palenzuela Mutrikuko alkatearen eskuetatik jaso zuen saria Garmendiak.
Sari batetik besterako tartean saritutako pertsona edo taldeari buruzko argazkien proiekzioak proiektatu zituzten. Horrela, sarituen ibilbidea bertatik bertara, irudien bitartez, ikusi ahal izan zuten han bildutakoek.
Joseba Palenzuelak herritarrak kirola egitera animatu nahi izan zituen, bai eta kirol munduan parte hartzera. “Kirola egitea ona da, bai, baina kirol elkarte, talde eta bestelako guztien atzean dauden lantaldeek ere eskertzeko lana egiten dute. Eta horiei ere eskerrak eman behar zaizkie. Beraz, herritarrei, kirola egitera edota kirol munduan barneratzeko gonbitea egiten diet”.
Sari banaketa egin aurretik, aldiz, mahaingurua egin zuten: Zesta-puntaren iragana eta oraina. Besteak beste, zesta-puntaren egoera zein den jakitera eman zuen Patxi Jauregi Euskadiko Pelota Federazioko lehendakariak, Felix Espilla goi mailako puntista ohiarekin eta Jon Iñaki Mendizabal Danok Bat elkarteko kidearekin.
Mahaingurua 19:00etan hasi zen eta 45 minutu inguru iraun zituen. Tarte horretan, herritarrek adituen hitzak entzun eta galderak egiteko aukera eduki zuten.
Argazki galeria [nggallery ID=125]
Saritu guztiak, udal ordezkariekin.
Erik Mendizabal, Luis Mari Arrieta, Mutriku Sokatira Taldea eta Loren Elezgarai izan dira sarituak Mutrikuko I. Kirolaren GalanAtzetik talde onena saritu zuten: Mutriku Sokatira Taldea. Batean eta bestean edukitako lorpenak goratzeaz gain, urte askoan taldeak eduki duen ibilbide eta emaitza onak aipatu zituzten sari banaketan.
Jesus Arrietaren alaba eta emaztea, Belen Garmendia, eta Joseba Palenzuela.
Mutriku Sokatira Taldeko kideak.
Eta saria hartzeko talde guztia bertaratu ezin izan badazen ere, hainbat izan ziren Mutrikuko udaletxera gerturatu zirenak. Saria eskuetan eta irribarrea ahoan zutela, orain arteko bideari eusten jarraitzeko bultzada jaso zuten sokatira taldeko kideek herritarren aldetik.
Mutriku Arraun Taldeko Loren Elezgarai izan zen hurrengoa saria jasotzen. Elezgaraik edukitako kirol ibilbidearengatik jaso du saria. Arraunaren mundua bihotzean daramala argi geratu zen ekitaldian. Eta herri bateko eta besteko arraun taldeetako kide izan bada ere, Mutrikuko arraun munduaren sustatzaile izan dela azpimarratu zuten.Mendizabalen saria haren arrebak jaso du eta Luis Mari Arrietarena bere emazte Belen Garmendiak; ekitaldia hunkigarria izan daAzkenik Erik Mendizabalek kirolari onenaren saria jaso zuen. Baina Mendizabal Floridan (Ameriketako Estatu Batuak) dagoenez, haren senideak, hain zuzen ere bere arrebak, jaso zuen saria. Dena dela, Mendizabalek zuzenean hitz egin zuen Skype bidez. Eskerrak eman eta bere egunerokotasunean familiak babesten eta animatzen duela esan zuen. Hori bai, lan kontuengatik, uda aurretik Mutrikura ez dela etorriko aurreratu zuen. “Momentuz, udara arte ez da posible izango”. Mendizabalekin batera, bere gurasoak eta emaztea egon ziren konexioan. Kamararen beste aldean, ostera, herritarrez betetako aretoa zegoen.
Erik Mendizabalen arreba, Iban Arrunategi kirol zinegotziarekin.
