Eskola Krossa egingo dute barikuan Ispasterren
Hirugarren Eskola Krossa egingo dute bariku arratsaldean Ispasterren. Guraso elkarteak antolatuta Santiago Zelaian elkartuko dira partehartzaileak, eta 17:00an hasiko da lasterketa. Haur eta lehen hezkuntzako ikasleak ez ezik, nagusiak ere lehiatuko dira.
Taldetan banatuta egingo dute korrika, sei txandatan. Haur hezkuntzako umeei dagokionez, bi eta hiru urtekoak batera lehiatuko dira, eta lau eta bost urtekoak elkarrekin. Lehen hezkuntzako ikasleen kasuan, lehen eta bigarren mailakoak batera joango dira, hirugarren eta laugarren mailakoak elkarrekin eta bosgarren eta seigarren mailako ikasleak batera. Gainontzeko partaideak nagusien mailan lehiatuko dira.
