Bizkaiko Jabekuntza Eskolen sareak Ondarroa aukeratu du
ikasturte bukaerako 7.
topaketa egiteko. Hain zuzen ere,
Ondarroak hirugarrenez antolatuko ditu topaketa hauek, eta aurten,
emakume saharauien jabekuntza prozesuak ezagutzea eta konpartitzea erabaki dute.
Basauriko, Ermuako, Getxoko eta Ondarroako berdintasun sailek osatzen duten sareak zapatu goiz guztiko egitaraua antolatu du. Alde batetik, ekitaldiaren aurkezpena eta mahaingurua egingo dira Kofradia zaharrean, eta, bestetik, erakusketa eta ekimen parte-hartzailea egingo dira Alamedan.
Aurtengo topaketan emakume saharauien jabekuntza prozesuak ezagutzea eta konpartitzea proposatu du Bizkaiko sareak eta horretarako,
UNMS-Saharauien Batasun Nazionala indartzeko Euskal sarearekin batera prestatu dute egitaraua. «Hain zuen,
jabekuntza eskolen ardatz estrategikoa beste kulturetako emakumeekin elkartasuna eta elkartrukea da. Ardatz hori formazioaren bidez lantzen da eskoletan, baita bestelako ekintzen bitartez ere. Beste herrialdeetako emakumeekin hartu emana eta elkartasun sareak sortzea du helburu», azaldu dute Bizkaiko Jabekuntza Eskolen saretik.
Zapatuan emakume saharauiak izango dira protagonistak eta beraien testigantzak bertatik bertara ezagutzeko aukera egongo da Ondarroan.
«Herri saharauia zatituta dagoen herrialdea da, horregatik bai lurralde okupatuetako errealitatea bai Tindufeko kanpamentuetako errealitatea kontuan hartzea nahi izan dugu, beraz harresiaren bi aldeetako emakume saharauiak izango ditugu gurekin».
Horiez gain, herri saharauiekin elkartasun taldeak eta UNMS-Emakume Saharauien Batasun Nazionala erakundeari laguntzeko Euskal sareko kideekin mahaingurua egingo da Kofradia Zaharrean.
Berbaldi horretan Saharako gatazka hurbiletik ezagutzen duten emakumeek parte hartuko dute. Alde batetik,
Arantza Chaconek,
SEADen Lagunen elkarteko kideak, Sahararekin elkartasuna zelan lantzen duten azalduko du. Bestetik,
Warda Abdelfah Ahmed Dajlako Emakumeen etxeko eta UNMS-Saharauien Batasun Nazionaleko kideak Tindufeko Errefuxiatuen kanpamenduetan zelan bizitzen den azalduko du. Hala eta guztiz ere, Ondarroako
Berdintasun Sailak eguerdian ezin izan du Warda Abdelfah Ahmed bertan egongo den edo ez ziurtatu.
«Saharako gatazka politikoa dela eta, inguru horretan ez da batere erraza izaten bisak lortzea. Hortaz, ez dugu oso argi, kanpamenduetatik bertara etortzeko aukera izango duten ala ez».
Hala ere, zailtasunak zailtasun Ondarroan egoten ahalegindu direla gaineratu dute. Tindufeko errefuxatuen kasua kontatzean gain, El Aaiun lurralde okupatuan zelan bizitzen den azalduko du
Lala Khaidouma ASVDH Giza Eskubideen Urraketa Larrien Biktimen Elkarteko kideak. Azkenik,
Mariam Hasenna, UNMS Saharauien Batasun Nazionala indartzeko euskal sareko kideak Herri Saharuaien diasporaren berri emango du.
Bestalde, goiz-goizetik
erakusketa parte-hartzailea kokatuko da Ondarroako
Alamedan «emakume saharauien errealitatea eta aldarrikapenak espazio publikoan bistaratzeko asmoz». Erakusketa horretan, alde batetik,
Saharako Ahotsak: ahanzturaren kontrako erresistentzia deritzona kokatuko da, eta bestetik, UNMS erakundeari laguntzeko Euskal sareak bai kanpamentuetan bai lurralde okupatuetan bultzatutako prozesuak ezagutzeko argazki-erakusketa egongo da.
«Hogei panel handi baino gehiagotan biztanleria sahararraren giza eskubideen egoeraren berrikusketa egingo da, bai okupatutako lurraldeetan bizi direnen egoera bai Tindufeko kanpalekuetan daudenena».
Erakusketaz gain,
ekintza partehartzaile bat ere bultzatuko da. «Batez ere jabekuntza eskolateko ikasleei galdera bati erantzun bat ematea eskatuko zaie. Ostean, bertan geldituko dira erantzun guztiak», azaldu dute Ondarroako berdintasun sailetik. Era berean, Haima bat ere kokatuko da inguruetan, «emakume saharauiaren ikur nagusi» modura.
Egitaraua
- 11:00etan. Ongietorria.
- 11:15ean. Aurkezpena: munduko emakumeek elkartasunean eta elkartrukean ardatz estrategikoa.
- 11:30ean. Emakume Saharauiak: Jabekuntza harresiaren bi aldeetan mahaingurua Kofradi Zaharrean.
- 13:00etan. Eztabaida
- 14:00etan. Erakusketa parte-hartzailea, Alamedan.
Bizkaiko Jabekuntza Eskolen sareak Ondarroa aukeratu du ikasturte bukaerako 7. topaketa egiteko. Hain zuzen ere, Ondarroak hirugarrenez antolatuko ditu topaketa hauek, eta aurten, emakume saharauien jabekuntza prozesuak ezagutzea eta konpartitzea erabaki dute.
Zapatuan emakume saharauiak izango dira protagonistak eta beraien testigantzak bertatik bertara ezagutzeko aukera egongo da Ondarroan.
Bestalde, goiz-goizetik erakusketa parte-hartzailea kokatuko da Ondarroako Alamedan «emakume saharauien errealitatea eta aldarrikapenak espazio publikoan bistaratzeko asmoz». Erakusketa horretan, alde batetik, Saharako Ahotsak: ahanzturaren kontrako erresistentzia deritzona kokatuko da, eta bestetik, UNMS erakundeari laguntzeko Euskal sareak bai kanpamentuetan bai lurralde okupatuetan bultzatutako prozesuak ezagutzeko argazki-erakusketa egongo da.
