Aittitta Txiki kultur elkarteak antolatu ditu jardunaldiak zapaturako eta domekarako. Urtero modura inguruko mendietan aurkitzen diren perretxikoak batuko dituzte, herritarrei ezagutzera emateko.
Zapatuan, 09:00etan, mendi irteera egingo da perretxikoak non egoten diren ikusi eta biltzeko. Nautika aurrean elkartuko dira parte hartu nahi duten guztiak inguruko mendietara joateko. Egunean bertan, arratsaldean, perretxikoen sailkapena egingo dutela jakitera eman dute Aittitta Txiki elkartekoek. Urtero modura, Zornotzako mikologia taldeko adituen laguntza izango dute sailkapena egiteko, eta domekarako prestatuko dituzte perretxiko guztiak.
Domekan, 11:00etatik 14:00etara perretxiko erakusketa egongo da jarrita Barandiaran aretoan perretxikoetaz ikasi edo begiratu nahi duten guztientzako.
Inguruko mendietan batuko dituztenez gain, beste leku batzutakoek ere egongo dira ikusgai. «Euskal Herrian aurkitu daitezkeen perretxikoen erakusgarri».
