Bertso saio bat eskainiko du gaur Mutrikuko Txalapartak, puntako bertsolariekin
Nerea Ibarzabal, Lea-Artibaiko txapelketa irabazi ostean.
Saioa doan izango da eta Txalapartako arduradunak herritarrei bertso saioagaz gozatzeko tabernara gerturatzeko gonbitea egin nahi izan die. Bertsolariak, banan bana Lau bertsolarietatik bat da eskualdekoa: Nerea Ibarzabal (1994, Markina-Xemein). Kazetaritzako ikaslea da Ibarzabal. Eta aurten Bizkaiko Txapelketan parte hartzen duen bigarren aldia du. 12 urterekin hasi zen bertsotan. Eskolarteko Txapelketatan eta gazteen sariketatan kantatu izan du. Uxue Alberdi 1984an jaio zen Elgoibarren eta gaur egun Getarian bizi da. Kazetaritza ikasi zuen Bilbon. Gaur egun, Testuketan literatur saioan dabil esatari lanetan, eta elkarrizketatzaile Argian. 2007an Aulki bat elurretan ipuin-liburua argitaratu zuen (Elkar, 2007); eta 2009ko udaberrian Aulki-jokoa eleberria egin zuen. Horrez gain, Hamaika bertute proiektuko kide da. 2007an Gipuzkoako txapelketako final aurrekoetara heldu zen. Miren Amburiza, bestalde, irakasle ikasketak egiten ari da gaur egun. Hamabi urterekin hasi zen bertsotan, Berrizko Bertso Eskolan, eta gaur egun, Berrizko Bertso Eskolako arduraduna da. Euskal Herriko Eskolarteko Txapelketa irabazi zuen 2008an. Iaz bigarren aldiz parte hartuko zuen Txapelketa Nagusian. Azkenik, Gaztelumendik, ikus-entzunezko komunikazioa ikasi du, eta egun kazetari lanetan ari da. Igeldoko, Hernaniko eta Santutxuko bertso-eskoletan ibilia da. Bigarren egin zuen 2007ko eta 2011ko Gipuzkoako Txapelketan. Iaz bigarren aldiz parte hartu zuen Txapelketa Nagusian
