Etzi Ondarroan egingo den Arnasa elkartearen jaira joateko deia egin dute hainbat herritar eta eragilek
https://www.youtube.com/watch?v=8c8yaFuo4mE Gipuzkoako Fibrosi Kistikoaren Elkarteak etzi elkartasun jaialdia egingo dute Irrien Lagunak Gizartekintza taldeagaz batera Ondarroako kiroldegian. Mundu guztia elkartasun jaialdian dantzan eta ondo pasatzera gonbidatu dute Arnasa elkarteko kideek, Irrien Lagunek eta Ondarroako hainbat eragilek. Denek bat egin dute etziko egingo den jaiagaz.
Gipuzkoako Fibrosi Kistikoaren Elkarteak etzi elkartasun jaialdia egingo dute Irrien Lagunak Gizartekintza taldeagaz batera Ondarroako kiroldegian. Mundu guztia elkartasun jaialdian dantzan eta ondo pasatzera gonbidatu dute Arnasa elkarteko kideek, Irrien Lagunek eta Ondarroako hainbat eragilek. Denek bat egin dute etziko egingo den jaiagaz.
Jaialdirako sarrerak Ondarroako turismo bulegoan, Kurike paperdendan eta herriko ikastetxeetan erosi daitezke 5 eurotan. Arnasako kideek aurreratu dute horrez gain Iñigo Martinezen, Eñaut Zubikarairen, Asier Illarramendiren eta Nagore Osororen kirol materiala, Aurrera kirol taldearen materiala eta San Mames zaharreko zati bat ere zozkatuko dituzte, besteak beste.
Zozketako zenbakiak elkarteko kideak eurak saltzen ari dira kalez kale, 2 euroren truke. Zozketa jaialdian bertan egingo da eta zenbaki irabazleak Lea-Artibai, Mutriku eta Busturialdeko Hitzan argiratuko dira martitzenean.
Noemi Uribe Arnasa elkarteko kideak gaineratu duenez, elkarteak jasotzen duen edozein laguntza mota ongietorria izango da. “Nahi duten herritarrek guregana hurbildu besterik ez dute egin behar. Edozein informazio emateko prest gaude beti ere”. Era berean, Arnasa elkartea diruz laguntzeko bazkide bila dabiltzala ere gogora ekarri dute. Dirulaguntzak 2095 5064 83 1073738675 (Kutxabank) kontuan egin daitezke.
