Domekan, 18:00etan, Aiako probalekuan jokatuko da txapelketa. Absolutu mailan parte hartuko du Ondarroako harrijasotzaileak. Guztira sei harrijasotzaile lehiatuko dira. Urruzunoz gain, Jesus Mari Iruretagoiena, Izeta III.a Gipuzkoako txapelduna, Iñigo Eizagirre, Jagoba Otaegi, Urtzi Telleria eta Josetxo Urrutia nor baino nor ariko dira domekan.
Lau harri jaso beharko dituzte harrijasotzaileek: 100 kiloko bola, 112,5 kiloko harri kubikoa, 125 kiloko harri zilindrikoa eta 125 harri laukizuzena. Lau harriekin hiru minutuko jasoaldiak egin beharko dituzte. Altxaldi gehien egiten dituenak lortuko du txapela. Harri guzti horien artean Urruzunok gustukoena zilindrikoa dela aitortu du. Era berean, azkenaldian harri kubikoagaz hobeto moldatzen hasia dela nabarmendu du. “Teknika gehien berak eskatzen du. Lauretatik harririk zailena bera da niretzako”.
Faboritoen artean dago ondarrutarra eta txapelketara begira bere burua ondo ikusten du. “Uda oso ona egin dut. Beherakada txiki bat ere eduki dut, baina atzera ere oso sasoi onean nago. Etxeko lanak eginak ditut, gerokoan zerk irtengo duen ez dakit”. Aurkariei dagokionez, Izeta III. gogorrena dela dio Urruzunok. “Udan elkarren aurka izan ditugun txapelketa gehienetan nik irabazi diot. Maila handiko harrijasotzailea da Iruretagoiena, eta domekan kontutan izatekoa. Nire ustez, txapela gu bion artean egongo da”.
Domekan, 18:00etan, Aiako probalekuan jokatuko da txapelketa. Absolutu mailan parte hartuko du Ondarroako harrijasotzaileak. Guztira sei harrijasotzaile lehiatuko dira. Urruzunoz gain, Jesus Mari Iruretagoiena, Izeta III.a Gipuzkoako txapelduna, Iñigo Eizagirre, Jagoba Otaegi, Urtzi Telleria eta Josetxo Urrutia nor baino nor ariko dira domekan.
Lau harri jaso beharko dituzte harrijasotzaileek: 100 kiloko bola, 112,5 kiloko harri kubikoa, 125 kiloko harri zilindrikoa eta 125 harri laukizuzena. Lau harriekin hiru minutuko jasoaldiak egin beharko dituzte. Altxaldi gehien egiten dituenak lortuko du txapela. Harri guzti horien artean Urruzunok gustukoena zilindrikoa dela aitortu du. Era berean, azkenaldian harri kubikoagaz hobeto moldatzen hasia dela nabarmendu du. “Teknika gehien berak eskatzen du. Lauretatik harririk zailena bera da niretzako”.
Faboritoen artean dago ondarrutarra eta txapelketara begira bere burua ondo ikusten du. “Uda oso ona egin dut. Beherakada txiki bat ere eduki dut, baina atzera ere oso sasoi onean nago. Etxeko lanak eginak ditut, gerokoan zerk irtengo duen ez dakit”. Aurkariei dagokionez, Izeta III. gogorrena dela dio Urruzunok. “Udan elkarren aurka izan ditugun txapelketa gehienetan nik irabazi diot. Maila handiko harrijasotzailea da Iruretagoiena, eta domekan kontutan izatekoa. Nire ustez, txapela gu bion artean egongo da”.
