Baxurako arrantzaleek urreburu asko porturatu dute aste honetan
https://www.youtube.com/watch?v=UOBlmnuF4u8&feature=youtu.be Aurreko asteko eguenaz geroztik [azaroak 6] 29.200 kilo urreburu lehorreratu dira Ondarroako Kalare Deuna kofradian. Eguenean 2.400 kilo harrapatu zituzten eta 9,33 eurotan saldu ziren denboraldiko lehen urreburuak.
Aurreko asteko eguenaz geroztik [azaroak 6] 29.200 kilo urreburu lehorreratu dira Ondarroako Kalare Deuna kofradian. Eguenean 2.400 kilo harrapatu zituzten eta 9,33 eurotan saldu ziren denboraldiko lehen urreburuak.
Orduz geroztik, arrantzaleek aste osoa daramate urreburua porturatzen. Sardinagaz batera, urreburu sasoia ere bada. Hala eta guztiz ere, azken bi urteetan urrebururik ez dutela arrantzatu nabarmendu dute arrantzaleek. “Aurten arrantzatzea tokatzen zaigu”, adierazi du batek baino gehiagok. Momentuz, arrantzaleak pozik daude urreburua agertu delako.
Hurbil arrantzatu dute urreburua, Zarautz eta Donostia bitarteko uretan. Barikuan, 1.900 kilo urreburu eta martitzenean 7.300 kilo porturatu ziren. Eguaztenean ekarri zuten arrantzaleek urreburu gehien: 17.600 kilo. Bataz beste 6,65 eurotan saldu zen bentalekuan.
Urreburuak Ondarroako bentalekuan saltzeko prest
Sardina asko sartu da Ondarroako portuan
Beste arrainei dagokionez, sardinaz gain, ez da beste arrain aipagarririk lehorreratu Ondarroan. Gaur [azaroak 13] arte, arrantzaleek ez dute sardinarik ekarri. Hala ere, goizean kofradia aurrea sardinaz gora arte bete da. 22.000 kaxa, 220.000 kilo inguru ekarri dituzte baxurako arrantzaleek.
