9.000 euro bideratuko ditu udalak enpresetako euskara planak garatzeko
Hiru dira Gernika-Lumon euskara planarekin lanean ari diren enpresa ertainak. Ajangizko Maier kooperatibak egiten duen lana ere azpimarratu du Gernika-Lumoko euskara zerbitzuakEuskara planak martxan dituzten enpresak diruz lagunduko ditu Gernika-Lumoko...
Hiru dira Gernika-Lumon euskara planarekin lanean ari diren enpresa ertainak. Ajangizko Maier kooperatibak egiten duen lana ere azpimarratu du Gernika-Lumoko euskara zerbitzuak
Euskara planak martxan dituzten enpresak diruz lagunduko ditu Gernika-Lumoko Euskara Sailak. Guztira, 9.000 euro bideratu ditu erabilera plan horiek aurrera eramateko.Diru laguntza hori jaso duten enpresek zenbait baldintza bete behar izan dituzte, baina, Euskara zerbitzuak azaldu duenez, baldintza nagusia izan da enpresa horiek Bizkaiko Foru Aldundiaren eta Eusko Jaurlaritzaren deialdietara aurkeztu izana. Gernika-Lumon, euskararen erabilera planarekin tinko lanean ari diren hiru enpresa lagundu ditu udalak: Bengozarra eraikuntza metalikoak, Ekin/Bizkargi autoak eta Gernika Garbiketak S.L.
Azpimarratzeko lana
Bizkaiko Foru Aldundiak 30 enpresa lagundu ditu, eta Eusko Jaurlaritzak 162. Beraz, Gernika-Lumoko Udaleko Euskara zerbitzuak esan duenez, Araba, Bizkaia eta Gipuzkoa mailan laaguntzak jaso dituzten enpresa kopurua kontuan hartuta, udalerriko hiru enpresa horiek euskararen alde egiten duten lana azpimarratzekoa da, «enpresa ertainak dira, gainera». Era berean, Ajangizko Maier kooperatibak euskara lan munduan erabiltzeko egiten duen lana ere nabarmendu du Euskara sailak.
