Izapideak herrian egiteko aukera eskatu du EAJk
Jeltzaleek diotenez, Eusko Jaurlaritzagaz hitzarmena sinatzeko akordioa adostu zuten udal osoko bilkuran, eta hori betetzeko eskatu dio EH BilduriHerritarrek izapideak Gernika-Lumoko tokiko erakundeetan egiteko aukera izan dezaten eskatu du Gernika-Lum...
Jeltzaleek diotenez, Eusko Jaurlaritzagaz hitzarmena sinatzeko akordioa adostu zuten udal osoko bilkuran, eta hori betetzeko eskatu dio EH Bilduri
Herritarrek izapideak Gernika-Lumoko tokiko erakundeetan egiteko aukera izan dezaten eskatu du Gernika-Lumoko Eusko Alderdi Jeltzaleak. Hain zuzen, Araba, Bizkai eta Gipuzkoako edozein erakunde publikori zuzendutako izapideak herritarrek udal erakundeetan egiteko aukera da jeltzaleek, ohar bidez, exijitu dutena.Komunikabideetara bidalitako testuan, gainera, udalbatzak hartutako erabakia ez betetzea leporatu dio EAJk EH Bilduri: «Udal gobernuak oraindik ez du izenpetu osoko bilkurak bere garaian Eusko Jaurlaritzagaz izenpetzea adostu zuen akordioa», azaldu dute.
Jeltzaleek diotenez, hitzarmen horren helburua da udalerriko herritarrei udalera beste era batera hurbiltzeko aukera ematea. «Euskal administrazio zentralizatuaren egoitza hartuta, hiritarrek ez dute hiriburuetako joan behar izango. Udalak ere bere onurak izango lituzke; hau da, herritarrek erosotasuna eta hurbiltasuna irabaztea eta ematen diren zerbitzuak areagotzea».
Zazpi hilabetera
EAJren esanetan, erregistroaren eskuduntzen artean dago agi-riak baliozkotzea, baina Gernika-Lumok oraindik ez du egiten; «horrek herritarrei hainbat eragozpen sortzen dizkio administrazioaren agiriak aurkeztu behar dituenean».
Hala, jeltzaleei ulerkaitza egiten zaie udalbatzak akordioa hartu eta zazpi hilabete geroago, oraindik ere udalak hitzarmena sinatzeko izapideak hasi barik edukitzea.
