30 urte beteko dituenean, webgunea sortu du Itsuki Irratiak
Bermeoko Itsuki Irratiak badauka bere lekua Interneten. Hemendik gutxira, irratiak eskaintzen dituen saioak munduko edozein lekutatik entzuteko aukera eskainiko dute, izan ere, webgunea martxan jarri dute: www.itsuki-irratia.net.1985eko ekainaren 2an h...
1985eko ekainaren 2an hasi zuen Itsuki Irratiak bere ibilbidea Bermeoko uhinetan, Ibilaldia Bermeon egin zen egun hartan, hain zuzen ere. Ekainean, hortaz, 30. urteurrena ospatuko du Bermeoko komunikabideak.
Webgunean lanean
Orrialdea bisitatzeko aukera baldin badago ere, momentuz, lanean ari direla azaldu dute Itsuki Irratikoek. Eguneko programazioa, publizitate prezioak, Bermeoko agenda eta irudiak ikus ditzakete webgunea bisitatzen duten horiek. Hurrengo urratsa irratiko audioak entzungai jartzea izango dela eman dute jakitera irratiko kideek.