Berriatua eta Danok Bat Euskal ligako finalerako txartela lortzeko bidean
Asteburuan Euskal Herriko Kluben arteko txapelketako finalerdietan parte hartuko dute Berriatuako eta Mutrikuko Danok Bat pelotazale elkarteko puntistek.
Berriatuaren kasuan, finalerdiak jokatzeko bi bikote sailkatu dira; bata, nagusien ohorezko mailan eta bestea nagusietan.
Nagusiek gaur [otsailak 27] Gaztelekuren aurka jokatuko dute Andoainen, 19:15ean. Julen Retolazak eta Txomin Bereziartuak osatutako bikotea finalean jokatzeko aukera bat izaten ahaleginduko da. Hala ere, ez dutela lan erraza izango nabarmendu du Roberto Lekue entrenatzaileak. «Oso liga polita jokatu dute biek, zazpi partidetatik lau irabazi dituzte, baina beteranoen aurka jokatu beharko dute. Biak nagusien mailara igo berriak dira, eta kanpoko frontoian ere jokatu behar dute».
Ohorezko mailako nagusiek, berriz, Beotibarko bikotearen aurka jokatuko dute etzi [otsailak 28], 12:00etan. Orain arteko partida guztiak irabazi eta gero, txapelketa irabazteko faborito dira Antxon Alberdi (iazko irabazlea) eta Jon Arriola. «Liga oso erregularra egin dute, eta partida gehienak erraz irabazi dituzte. Etxean jokatzen dute, eta finala jokatzeko aukera asko dituzte».
Irabazteko aukera asko
Danok Bateko kadeteek Zumaiaren aurka jokatuko dute, bihar [otsailak 27], 18:00etan, Miruiatz frontoian.
Aitor Manzisidorrek, Xabi Arrizabalagak eta Jon Iparragirrek osatutako taldeak liga polita egin du, eta bigarren dira sailkapen nagusian. Zumaiaren aurka ligan jokatutako lehen partida gutxigatik galdu zuten (30-28) eta bihar arantza hori kentzen saiatuko dira. Irabaziz gero, aurten final mutrikuarra egon daiteke kadete mailan. Izan ere, beste bikote bat finala jokatzeko sailkatuta dago jada.
Zesta punta partiduak
