«Galtzeko gutxi» duela joango da Gernika Bizkaia Gironara
Gernika Bizkaia saskibaloi taldeak etxetik kanpo jokatuko du 20. jardunaldiko partida. Oraingoan, Herrialde Katalanetara doaz gernikarrak, Spar Citylift Girona izango baitute aurkari domekan, 18:00etan. Mario Lopez entrenatzaileak esan duenez, «galtze...
Hurrengo bi emaitzek taldearen azken helburua finkatuko dutela nabarmendu du Lopezek, eta baikor dago, sasoi onean ikusten baititu jokalariak. «Tonu onarekin dago taldea, nahiz eta azken bi asteetan ez dugun hamar jokalarirekin entrenatu». Lopezek dioenez, erasoetan erabaki onak hartzen asmatu dute, eta era askotan lortu dituzte puntuak.
Zazpi partida falta dira liga amaitzeko, eta horietako bakoitzean talde guztiek daukatela asko jokoan deritzo Gernika Bizkaiako entrenatzaileak.