Afizionatu mailako euskal puntistarik onenak batuko ditu Mutrikuko I. Berdel Txapelketak
Zesta-puntari indar bultzada emateko asmoarekin sortu da Mutrikuko I. Berdel Afizionatuen Txapelketa. Hain zuzen ere, txapelketa berriak Tolosako Beotibar Zesta Punta elkarteak hasitako afizionatu mailako txapelketari jarraipena emango dio.
Euskal Herrian erreferente izan nahi duen txapelketa abiatzea dute helburu Danok Bat Pelotazale elkarteko kideek. “Hau hasiera besterik ez da. Hurrengo urteetan ere txapelketari jarraipena eman nahi diogu, eta denborarekin maila gazteagoetara ere zabaldu”.
Ordezkaritza zabala
Euskal Herriko pilotariek ordezkaritza izango duen punta-puntako afizionatu txapelketa izango da Mutrikukoa. Antolatzaileek azpimarratu dutenez, “kalitate handiko puntistak” ikusteko aukera izango dute Miruaitz frontoira gerturatzen diren pilotazale guztiek. “Parte hartuko duten puntisten artean, gainera, mundu mailako lau txapeldun izango ditugu: Barandika, Lekerika, Alberdi eta Suso”.
Txapelketa motza
Txapelketa motza izango da; martxoaren 8an hasi eta martxoaren 28an (Mutrikuko Berdel Eguna) amaituko da. “Hortik datorkio izena txapelketari, Berdel Egunean amaituko delako”.
Martxoaren 8 eta 15ean, final-laurdenak jokatuko dira, eta martxoaren 22an, finalerdiak. Final-laurdenak eta finalaurrekoak hiru setera jokatuko dira; lehen biak 15 tantora, eta hirugarren bat beharko balitz, 5 tantora. Martxoaren 28an jokatuko den finalari dagokionez, 30 tantora jokatuko da. Hirugarren eta laugarren potuak erabakitzeko partida, aldiz, 25 tantora izango da.
Jokatuko diren partida guztietarako sarrera doako izango da, eta jende guztia pilotalekura gerturatzera gonbidatu dute Danok Bat elkarteko guztiek. “Zesta-punta indartzeko beharra dugu. Pilotazale guztiak ongi etorriak izango zarete”.
FINAL-LAURDENETAKO PARTIDEN ZERRENDA
Martxoak 8, 17:00etan hasita
Euskal Herriko pilotari profesionalen elkarte gehiengoek bultzatutako proiektuarekin jarraitzea du asmoa Mutrikuko I. Berdel Afizionatuen Txapelketak, zesta-punta “garai berrian” sartuzTxapelketaren antolatzaileek nabarmendu dutenez, zesta-punta “dagokion lekuan” jarri beharra dago berriro. “Zesta-punta garai berri batean sartzera doa, edo horretan saiatu gara. Euskal Pilota Federazioaren eskutik proiektu berri bat bultzatzera goaz, eta horretan murgildu gara Euskal Herriko elkarte pilotari profesionalen gehiengoa”.
Ezkerretik eskumara, Jon Goenaga, Jon Mendizabal ‘Goixerri’ eta Aitor Andonegi. Argazkia: Danok Bat
Euskal Herri osotik etorriko diren 16 partehartzaile egongo dira txapelketan. Tartean, bertoko seirek parte hartuko dute: Berriatuko hiruk (Alberdi, Ibai eta Ubilla), Mutrikuko bik (Jon Goenaga eta Aitor Andonegi) eta Markina-Xemeingo batek (Zabala).Denetara Euskal Herri osotik etorriko diren 16 partehartzaile izango ditu txapelketak; zortzina aurrelari eta atzelari. Tartean, Lea-Artibaiko lau ordezkarik jokatuko dute, Berriatuko Alberdi eta Ibai aurrelariek, eta Markina-Xemeingo Zabala eta Berriatuko Ubilla atzelariek. Horiez gain, Mutrikuko Jon Goenaga aurrelaria eta Aitor Andonegi atzelaria ere txapelketan egongo dira, onenen artean. Pilotariak aukeratu eta bikoteak osatzeko ardura puntista profesionalak izandako Jon Mendizabal Goixerrik (Gipuzkoako zesta Puntako hautatzailea) eta Felix Espillak (Euskal Pilota Federazioko zesta punta ordezkaria) izan dute. Bikoteen arteko lehiari dagokionez, zozketa bidez egin da.
Miruaitz pilotalekua. Argazkia: Danok Bat
- Iturbide (Noaian) eta Zabala (Markina-Xemein) – Barandika (Gernika-Lumo) eta Aitor Andonegi (Mutriku)
- Roke (Gernika-Lumo) eta Suso (Gasteiz) – Alberdi (Berriatua) eta Uranga (Zumaia)
- Jon Goenaga (Mutriku) eta Lekerika (Gernika-Lumo) – Ibai (Berriatua) eta Ubilla (Berriatua)
- Landa (Gasteiz) eta Iñigo Garcia (Andoain) – Alberro (Biarritz) eta Arkaitz Izagirre (Tolosa)
- Martxoaren 8ko irabazleak
- Martxoaren 15eko irabazleak
- 3. eta 4. postuak
- Finala
