Oinez zein korrika, jende andana Ibarruriko inguruetan
Denetan lehena izan da, eta antolatzaileak pozik daude. Eguraldia ere lagun izan dute, eta jende kopuru aldetik ere, arrakastatsua izan da. Ibarruriko mendi martxa eta lasterketan parte hartu dute hainbat lagunek domekan.Urdaibai Kopa abiarazi dute dag...
Denetan lehena izan da, eta antolatzaileak pozik daude. Eguraldia ere lagun izan dute, eta jende kopuru aldetik ere, arrakastatsua izan da. Ibarruriko mendi martxa eta lasterketan parte hartu dute hainbat lagunek domekan.
Urdaibai Kopa abiarazi dute dagoeneko. Domekan egin zuten aurtengo lasterketa guztietan lehenengoa, Muxikako Ibarruri auzoan.Neska zein mutil, guztira, 130 bat parte hartzaile izan ziren. Joseba Gabriel Ruiz izan zen lasterketako azkarrena, 1:46:08 denbora eginda, eta, nesketan, Laura Veronica Carrilo nagusitu zen, 2:05:15eko denbora behar izan zuen helmugara ailegatzeko.
Jai giroan
Korrika ez ezik, oinez ere egin zuten hainbat lagunek Ibarruri inguruan, ume, gazte zein heldu. Lasterketan zein mendi martxan, guztira, 650 lagunek parte hartu zutela azaldu dute antolatzaileek. Beraz, parte hartzeagaz oso pozik dira Saltsamendi Kultur Elkartekoak. Oro har, domekakoa «itzela» izan zela esan dute; «eguraldi ona lagun, martxarako gogoa egon zen, eta jai giro oso polita sortu zen».
