Zapatuan eman zieten amaiera aurtengo topaketei, eta hamargarren urteurren honetan izan den parte hartze “handia” nabarmendu dute antolatzaileek. Azken egunean, esaterako, 300 bat lagun batu ziren herriko frontoian
Arrastoak antzezlana ikusten. Ander Lipus antolatzailearen berbetan, ” jende asko ibili da topaketetan, eta hori guretzat izugarri ederra da”.
Jende asko batu zen frontoian, eta baita udal aretoan ere. Azken hori zenbaitetan “txiki” geratu zaiela ere esan du Lipusek, zegoen jendetzaren erakusgarri. Izan ere, urtean behin euskarazko antzerkiaren “arnasgune” bihurtzen da udalerria.
Halaber, beste urte betez aulestiarrek emandako laguntza azpimarratu eta eskertu dute Artedramako kideek: “Proiektuaren pisu handi bat hartzen du herriak eta udalak, bertako eragileak inplikatuta ikustea oso positiboa da guretzat”. Izan ere ohiko laguntzaz gain, Gaztetxetik, esaterako, hainbat ekitaldi antolatu zituzten astebururako. Barikuan txalapartariak, kantariak eta bertsolariak aritu ziren, eta zapatuan kontzertuak egon ziren.
Gai oso desberdinak lantzen dituzten sormen lanak egon dira ikusgai astebetez, eta denek ere oso harrera ona izan dute: “Uste dugu jendeak oso gustora hartu dituela, bai hasierako Maite Arreseren ipuin kontaketatik hasi, eta bukaerako arrastoak emanaldira”.
Ramon Agirre eta Inazio Tolosaren
Karakola eta barea ikuskizunean, adibidez, barre algaraka eta kantuan ibili ziren. Baina, gai sakonagoen inguruko antzerki emanaldiak ere izan dira,
Amodioaren ziega edota
Arrastoak, besteak beste. Antolatzaile zein ikusleek aniztasun hori eskertzen dutela esan du Lipusek: “Euskal sorkuntzaren plazan badabil jendea oso gai desberdinak jorratzen, eta horrek panorama aberasten du, antzerkia bera aberasten du”.
Tailerretan irakasle berriak
Bestalde, topaketetan antolatutako tailerretan hamaika ikaslez osatutako talde “jatorra” izan dute. Asko ikasteaz gain, ondo pasatzeko astia izan dute denek, eta gustura egon dira. Aurten, gainera, irakasle gehienak berriak izan dira; besteak beste, Belen Cruz, Iosu Florentino, Miren Alcala eta dantza mundutik datorren Natxo Montero.
Zapatuan eman zieten amaiera aurtengo topaketei, eta hamargarren urteurren honetan izan den parte hartze “handia” nabarmendu dute antolatzaileek. Azken egunean, esaterako, 300 bat lagun batu ziren herriko frontoian Arrastoak antzezlana ikusten. Ander Lipus antolatzailearen berbetan, ” jende asko ibili da topaketetan, eta hori guretzat izugarri ederra da”.
Jende asko batu zen frontoian, eta baita udal aretoan ere. Azken hori zenbaitetan “txiki” geratu zaiela ere esan du Lipusek, zegoen jendetzaren erakusgarri. Izan ere, urtean behin euskarazko antzerkiaren “arnasgune” bihurtzen da udalerria.
Halaber, beste urte betez aulestiarrek emandako laguntza azpimarratu eta eskertu dute Artedramako kideek: “Proiektuaren pisu handi bat hartzen du herriak eta udalak, bertako eragileak inplikatuta ikustea oso positiboa da guretzat”. Izan ere ohiko laguntzaz gain, Gaztetxetik, esaterako, hainbat ekitaldi antolatu zituzten astebururako. Barikuan txalapartariak, kantariak eta bertsolariak aritu ziren, eta zapatuan kontzertuak egon ziren.
Gai oso desberdinak lantzen dituzten sormen lanak egon dira ikusgai astebetez, eta denek ere oso harrera ona izan dute: “Uste dugu jendeak oso gustora hartu dituela, bai hasierako Maite Arreseren ipuin kontaketatik hasi, eta bukaerako arrastoak emanaldira”.
Ramon Agirre eta Inazio Tolosaren Karakola eta barea ikuskizunean, adibidez, barre algaraka eta kantuan ibili ziren. Baina, gai sakonagoen inguruko antzerki emanaldiak ere izan dira, Amodioaren ziega edota Arrastoak, besteak beste. Antolatzaile zein ikusleek aniztasun hori eskertzen dutela esan du Lipusek: “Euskal sorkuntzaren plazan badabil jendea oso gai desberdinak jorratzen, eta horrek panorama aberasten du, antzerkia bera aberasten du”.
Tailerretan irakasle berriak
Bestalde, topaketetan antolatutako tailerretan hamaika ikaslez osatutako talde “jatorra” izan dute. Asko ikasteaz gain, ondo pasatzeko astia izan dute denek, eta gustura egon dira. Aurten, gainera, irakasle gehienak berriak izan dira; besteak beste, Belen Cruz, Iosu Florentino, Miren Alcala eta dantza mundutik datorren Natxo Montero. 
