Eraikin bat okupatu zuten zapatuan, etxebizitza eskubidea aldarrikatzeko
Ekintza sinbolikoa izan zen Ernaik eta LABek egin zutena, eta bertan eman zuten zapatuan Busturiko gaztetxean eman behar zuten hitzaldiaPertsona orok etxebizitza duin bat izateko duen eskubidea aldarrikatzeko ekintza sinbolikoa egin zuten zapatuan Erna...
Ekintza sinbolikoa izan zen Ernaik eta LABek egin zutena, eta bertan eman zuten zapatuan Busturiko gaztetxean eman behar zuten hitzaldia
Pertsona orok etxebizitza duin bat izateko duen eskubidea aldarrikatzeko ekintza sinbolikoa egin zuten zapatuan Ernai gazte erakundeak eta LAB sindikatuak. Eskualdean etxebizitza eskubidearen alde lan egiten dute bestelako eragileekin batera burutu zuten ekintza.Hain zuzen, hitzaldia eman behar zuten Ernaik eta LABek egun horretan, Busturiko gaztetxean, Etxea eta/ala bizitza izenburupean. Etxebizitza eskubidea aldarrikatzeko eta Busturialdean ehunka etxe hutsik dau- dela salatzeko okupatu zuten Busturiko eraikin bat, eta bertan eman zuten hitzaldia.
Ehunka etxe huts
Busturialdeko gazteek «oraina» direla aldarrikatu nahi dute, eta gaur egungo egoera aldatzeko dinamika hasi dute. Busturialdekoak dira, eta Busturialdean nahi dute lan egin eta bizi. «Berton lan egiteko eta bizitzeko eskubidea da gure aldarrikapen nagusia, baina hamaika dira zeharkako aldarrikapenak».
Bi eragileen esanetan, pertsona denek dute Busturialdean bizitoki duen bat izateko eskubidea, eta arazoa, haien ustean, ez da hain zaila: «Eskualdean ehunka etxe daude hutsik, baina egun bizi dugun krisi ekonomikoak eta espekulazioak eragindako oztopoak medio, ezinezkoa da etxebizitza horiek eskuratzea, alokairu sozial baten edo okupazioaren bidez ez bada».
Hala, apirila osoan etxebizitza duina izateko eskubidearen aldeko mobilizazioak egingo dituztela aurreratu dute.
