Ur kirol elkarte berria ezagutara eman dute Ondarroan: Eskilantxarri
Ondarroako Eskilantxarri Ur Kirol Elkarteak jendaurreko aurkezpena egin zuen aurreko astean. Elkartea sortu zela lau urte igaro badira ere, oraindik ere euren burua ezagutara eman gabe zeuden elkarteko kideak. “2011n sortu ginen irabazi asmorik gabeko talde modura, eta orduz geroztik urte batzuk daramazkigu beharrean herrian. Uste dugu badela momentua gure proeiktua herritarren aurrean formalki aurkezteko“, azaldu zuten elkarteko kideek.
Orain arte elkarteak egindakoari buruzko informazioa eman zuten, eta etorkizunera begira ze egin nahi duten ere aurkeztu zuten aurkezpenean batu zirenen artean. Horiez gain, abian jarri duten proiektu berria ere aurkeztu zuten. Momentura arte, Astillerun duten lokaleko materiala (piraguak eta stand up padle taulak) udaldian alokairuan eskaini dute, baina hemendik aurrera herritarrei bazkide egiteko aukera emango diete. Modu horretara, bazkide egiten direnek lokalean dagoen materiala erabiltzeko eskubidea izango dute.
Bi bazkidetza mota egongo dira, aukeran. Alde batetik, urte osoko bazkidetza sistema egongo da, eta bestetik, udakoa. Materiala uda garain erabili nahi izango dutenek hiru hilabteko bazkidetza egiteko aukera izango dute, ekainaren 15etik irailaren 15era arte.
Elkarteko kideek jakitera eman zutenez, bazkidetza programan gehienez 30 pertsona onartuko dira. Bazkidetzari buruzko inguruko informazio gehiago eta baldintzak ezagutzeko Eskilantxarri Ur Kirol elkarteko kideekin jarri beharko da harremanetan: eskilantxarriuke@hotmail.com helbide elektronikora deituta edota 688 633 608 telefonora deituta.
Eskilantxarriko kideak
