Bertso musikatuez gozatzeko aukera egongo da Mutrikun
Zubixa Libre plataformak antolatuta, bertso musikatuak egingo dira zapatuan [ekainak 6] Mutrikun. Ekitaldia 22:30ean hasiko da Zubixa aurreko plazan eta honako hauek izango dira bertan parte hartuko duten bertsolariak: Manex Mujika, Jon Martin, Arkaitz Oiarzabal ‘Xamoa’ eta Jokin Labayen.
Bertsolariak laguntzen Urtzi Olaziregi, Eneko Sierra eta Ixak Arruti musikariak ariko dira. Gai jartzaile lanetan, aldiz, Haritz Casabal ariko da.
Era berean, aurretik afari herrikoia egingo da Zubixan bertan, 21:00etan. Bertan parte hartu nahi dutenek herriko tabernan eman beharko dute izena aurretiaz.
