60 autok lehiatuko dute bihar, XIII. San Miguel Rallysprinta
16:00etan irtengo du Etxebarritik Elgoibarrera lehen parte hartzaileak. Errepidea 15:00etatik itxita egongo da. Sariak Markina-Xemeingo udaletxe aurrean banatuko dituzteGehienezko kopurua beteta, 60 autok hartuko dute parte bihar, Etxebarria eta Elgoib...
16:00etan irtengo du Etxebarritik Elgoibarrera lehen parte hartzaileak. Errepidea 15:00etatik itxita egongo da. Sariak Markina-Xemeingo udaletxe aurrean banatuko dituzte
Gehienezko kopurua beteta, 60 autok hartuko dute parte bihar, Etxebarria eta Elgoibar artean lehiatuko den XIII. San Miguel Rallysprintean. Hamaika eskuderiak antolatutako proba Euskal Herriko Txapelketako zazpigarren hitzordua izango da.16:00etan irtengo du lehen parte hartzaileak Etxebarritik Elgoibarrera. Guztira, 101,900 km distantziako ibilbidea egin beharko dute autoek. Hiru bider pasatuko dira herri bien artean egongo den kronometratutako 10,550 km-ko tartetik. Etxebarritik Elgoibarrera doan errepideko azken etxeetatik 500 metrotara hasiko da denboraz neurtutako tartea, eta Elgoibartik Etxebarrirantz dagoen lehen bihurgunean amaituko da, errepide nagusiko biribilgunetik (N-634) 700 metro ingurura.
Autoek ostean Ixuatik egingo dute buelta Etxebarrira. Galartza industrigunean egongo da kokatuta asistentzia gunea.
Maila handia
Rallysprintetan aritzen diren pilotu eta kopilotu onenek parte hartuko dute San Migueleko norgehiagokan. Bertan egongo dira Aingeru Castro eta Alaitz Urkiola BMW M3 autoagaz Euskadiko Txapelketako lehen postuari eusteko prest. Iban Tarsicio Fernandez eta Iñigo Peña (Mitsubishi EVO IX), Enrique Barrenetxea eta Anartz Onaindia (Mitsubishi EVO IX), Joxe Labaka eta Aitor Otaegi (Mitsubishi EVO V) eta Iñigo Olabegogeaskoetxea eta Iñaki Narbaiza (BMW M3) ere txapelketako lehen postuetan dabiltza, eta San Miguel irabazteko borrokan egongo dira.
Lea-Artibaiko eta Busturialdeko pilotu eta kopilotuak ere egongo dira norgehiagokan. Horrela, Aitor Saizarrek eta Iskander Kobeagak (Renault Clio Sport), Garikoitz Lopezek eta Urko Pagoagak (Citroen Saxo Vts), Oihan Erkiagak eta Bernat Iraolagoitiak (Citroen Saxo Vts), Jose Lekuonak eta Maite Lekuonak (BMW 320i), Jose Javier Aginagak eta Josu Bernaolak (Seat 124 FL), Ioritz Abaroak eta Jonatan Zabalak (Citroen Saxo Vts), Eñaut Iturriagak eta Iosu Gerekizek (Megane Koupe), Ander Bikandi kopilotuak eta Ramon Muniozguren pilotuak hartuko dute parte, besteak beste.
Biharko rallysprinta Euskal Herriko eta Bizkaiko txapelketetarako puntuagarria izango da, eta sari banaketa ekitaldia Markina-Xemeingo Goiko Portalean egingo dute, udaletxe aurrean, 22:00etan.
