HITZAk Gizaburuagatik Markina-Xemeinera lekualdatuko du bulegoa
Datorren astelehenetik aurrera, Lea-Artibai eta Mutrikuko Hitzak Gizaburuagatik Markina-Xemeinera salto egingo du; izan ere, azken urteetan Okamika Goikoa baserrian eduki duen bulegoa Markina-Xemeingo Arretxinaga 1 helbidera lekualdatuko du.
Azken sei urteak igaro ditu Lea-Artibai eta Mutrikuko Hitzak Gizaburuagako aipatu lokalean, baina aurretik, Markina-Xemeinen egona zen, bere hastapenen sorterrian.
Herritarrengandik gertuago egoteko asmoz egin du aldaketa egunkariak. Hala, aurrerantzean, eta orain arte legez, gustu handiz hartuko ditu Hitzako harpidedun, jarraitze zein herritar guztiak bulego berrian.
Gaur bertan egingo da aldaketa, eta, aipatu bezala, astelehenetik aurrera, Arretxinaga 1 helbidean aurkituko dituzue Hitzako langileak.
Lea-Artibai eta Mutrikuko Hitza herriz eta helbidez aldatuko bada ere, telefono bera izaten jarraituko du; alegia, 94-684 44 36 zenbakia. Zorion agurrak ere, bulegoan bertan jasoko dituzte, astelehenetik aurrera.
Aldaketa berriagaz, beraz, Lea-Artibai, Mutriku eta Busturialdeko Hitzak Bermeon (Atalde 17, atzealdea), Gernika-Lumon (Bekoibarra. San Miguel eraikina, 35. 1. solairua), Markina-Xemeinen (Arretxinaga, 1) eta Mutrikun (Barrenkale 12, behea) izango ditu bulegoak.
