Markina-Xemeingo Karmen jaiak, irudietan
Su, ke eta txinparta artean amaitu dituzte jaiak markina-xemeindarrek. Lekittoko Deabruen ikuskizuna izan zen jaietako azkena. Sua, gozamena, nahasmandua, dantza eta musika ekarri zituen Decadence eskuadroiak Markina-Xemein birusetik libratu eta berriro ere dantzan jartzeko. Zelaian hasi eta alde zaharretik ibili zen su kalejira zirarragarria herritarrak atzetik zituela.
Lekittoko Deabruen suak amatatu zirenean, Alarabiri agur esateko ordua ailegatu zen. Mozarten Requiem-aren doinuagaz, Zelaiaren erdira lagundu zioten herritarrek Alarabi-ri alde zaharretik kalejiran ibili ostean. Jaietako pertsonaia nagusia erreta, datorren urtera arte agurtu dituzte karmenak. Penagaz, baina bai eta nekatuta ere. Izan ere, ekimenez betetako asteburua izan dute aurretik.
Eguzkipean
Eguraldiari begira ibili eta gero, herri bazkaria egiteko erabakia hartu zuten barikuan. Erabaki ona izan zen, berriz ere, arrakasta handiagaz ospatu da eta Karmen jaietako ekimenik jendetsuena, eta eguzki berotan, gainera.
Goizean goizetik, batzuk 05:00etarako, lekua hartzera agertu ziren herritarrak Zelaira, janaria non prestatu edukitzeko. Horrela, goizak aurrera egin ahala, Zelaiaren ingurua, mahai, aulki, paellera, kazola eta abarrez bete zen. Asko izan ziren bai eta muntaira laguntzera joan ziren herritarrak, eta beraz, berehala prestatu zuten guztia. Eguerdian jadanik, janari usaina zabalduta zegoen, eta kuadrilla ia denak zeuden bertan.
Bazkalostean, hasi zen Herritxoua. Hamasei parte hartzaile egon dira aurten, Oskarrek eta Tonik (Luis Egurrolak eta Eneko Arratek) gidatutako Brodway-ko ikuskizunean. “Bai horixe, herri bazkarixe, zoragarrixe da!” abestu ondoren hasi zen ikuskizuna. Laura Chica, Olgetaneko Alaurake taldekoak, Nik ze dakit ba kuadrilla, Iban Mendizabal, Asier Etxeandia, Zoro kuadrilla, Teki-Teki, dantza modernoko ikasleak Ianire De Andres irakasleagaz, Aerobik txiki taldekoak, Ladies, Mamadu, Aliu eta Luis hirukoa, Kaprimotxo, Mari Karmen Balentziaga eta laguntzaileak eta Iñigo Martinez atera ziren, besteak beste agertokira, eta estilo guztietako ikuskizunak eskaini zituzten. Tartean egin zen, bai eta Amaiur Elkarteak proposatutako mosaikoa ere, eta Zelaia laranjaz jantzi zen Txokoa libre uztea eskatzeko.
Zelaiko lagunek dantzan egin eta Marilin Monroeren bisita egon zen bitartean erabaki zituen epaimahaiak Herritxouko irabazleak:
Bakarlari onena: Laura Chica
Talde onena: Dantza modernoko ikasleak eta irakaslea
17 urtetik beherako onenak: Teki-Teki
18 urtetik gorako onenak: Ladies
Martxosoenak: Nik ze dakit ba kuadrilla
Bat bateko onena: Iñigo Martinez
Herritxoua amaituta, Zelaiko azpiegitura batu eta Adiskideak txarangaren kalejiragaz dantzan jarraitu zuten herritarrek alde zaharreko kaleetan zehar. Gauean, berriz, Zelaia bete zuten musika zaleek, Vendetta, The Waltrapax taldeen kontzertua eta Bide Batez taldearen erromeria entzuteko.
Azken agurra
Dantzan amaitu zena zapatuan, kantuan hasi zen domekan. Bentazaharreko Mutiko Alaiak alaitu zuten domeka eguerdia kanta eta doinuekin. Arkupean hasita, alde zaharrean zehar ibili ziren mutiko alaiak eta herritarrak kantu kalejiran. Talde handia batu zen abesteko, giro ederrean.
Jokoak hartu zuen plazabarripea arratsaldean. Beti Jai erretiratuen elkartekoen eskutik, mus eta briska txapelketak jokatu ziren. 42 bikotek jardun zuten musean eta 33 bikotek briskan.
Briskako txapelak Aulestira joan ziren. Gema Mendieta eta Antoni Zelaia izan ziren irabazleak. Mendietarentzat hirugarren txapela izan zen Markina-Xemeingoa ete Zelaiarentzat berriz, hamalaugarrena. “Plaza handia” zela esan zuten Markina-Xemeingoa, eta beraz, “pozik” jantzi zituzten txapel berriak.
Museko sari nagusia, bestalde, herritar bik eraman zuten: Pello Irustak eta Jabier Pagoagak. Eurentzat izan zen gainera, herrikoentzako saria ere. Bigarrenak, Justo Goti eta Jon Andoni Etxebarria ondarrutarra. Ez ziren aurretik ezagutzen, baina, bikotea osatu eta bigarren saria eraman zuten, 80 euro eta garaikurra.
Mus eta Briska Txapelketako irabazle guztiak hauek izan ziren:
Briska
Aimarrek eta Etxebak, Iker Foronda gasteiztarra eta Jon Zabala markina-xemeindarra izan zituzten aurkari azken norgehiagokan. Partidua nahiko parekatua joan zen erdira arte. 12ra berdindu zuten bi bikoteak. Baina ordutik aurrera, Aimarrek bere doain guztiak erakutsi eta partiduan agintzea lortu zuen. Eskumagaz min handia egin zuen. Txapa gainean pelotak indartsu moztuta, errebotean min eginez, eta pelotari abiadura handia emanaz, bera izan zen partiduko onena zalantza barik. Etxeba ere ondo aritu zen, eta beraz, partidu erditik aurrera, pelota biziago jarri zenean, ez zuten aurkaririk izan. 35 eta 21 irabazi zuten Aimarrek eta Etxebak.
[nggallery ID=274]
Alarabi erretzen Zelaian Karmen Jaietako azken egunean.
Asier Etxeandiaren ikuskizun bat antzeztu zuten Herritxouean.
Laranjaz jantzi zuten Zelaia, herritarrek, Txokoa libre uztea eskatzeko.
Briskako Txapeldunak, Gema Mendieta eta Antoni Zelaia, Beti Jai elkarteko kidearen eskutik sariak hartzen.
- Gemma Mendieta eta Antoni Zelaia
- Maite Leturiondo eta Juanita Aranzeta (Herritarren saria ere eraman zuten)
- Alex eta Eneko
- Juan Mari eta Amaia
- Pello Irusta eta Jabier Pagoaga
- Justo Goti eta Jon Andoni Etxebarria
- Askurriña eta Iro
- Tolo eta Arantza
Karmen Saria txapelketako irabazleak, Zesta-Punta Eskolako Lehendakaria Josu Mugartegi, eskolako umeak eta Juanjo Txurruka Markina-Xemeingo alkatea.
