Lehenengo garaipena lortu du Aurrerak, jarraitzaileen bultzadagaz
Aurrerak denboraldiko lehen garaipena lortu zuen zapatuan [urriak 17] Aretxabaletaren aurka, zalez bete-bete egindako Zaldupe zelaian. Hain zuzen ere, 10. jardunaldian etorri da garaipena; Xepe Gallastegiren mutilek 1-0 irabazi zioten Aretxabaletari.
Talde biek hil ala biziko partida zuten, eta oso lehiatua izan zen. Partidaren lehen zatia husna berdinduta amaitu zuten, eta atsedenalditik bueltan egin zuen gola etxeko taldeak. 55. minutuan Esnalek egindako jaurtiketa urrundu zuen Aretxabaletako atezainak, eta ostean lortu zuen gola Julen Uribesalgok. Amaiera arte ez zen gol gehiagorik egon, hortaz, hiru puntuak etxean geratu ziren.
Aurrerako nagusien taldea pozik agertu da garaipenaren ostean, eta zapatuan izandako babesa eskertu nahi izan dute. “Aurrerazale talde baten mezuari erantzunez, asko izan ziren zapatuan Zaldupera hurbildu ziren Aurrerazaleak. Lehen zatiko oihuak, golaren ospakizuneko algara eta azken minutuetan taldeari emandako laguntza ezinbestekoak izan ziren hiru puntuak eta lehen garaipena Ondarroan geratzeko. Eskerrik asko, eta bi aste barru berriz ere, guztiok Zaldupera!”.
Julen Uribesalgo gola ospatzen. Argazkia: Aurrera
Aurrerako jokalariak eta zaleak gola ospatzen. Argazkia: Aurrera
