Ondarroako Amuak literatura jaialdia atzo [urriak 29] indartsu hasi zen. Lehen jardunaldian, esaterako, hainbat ekimen egin ziren. Horietan lehenengoa Kofradia Zaharrean egindako haur eta gazteentzako Augustin Zubikarai IV. Ipuin Rallyaren sari banaketa izan zen.
Hiru kategoriatan banatuta, 15 sari banatu zituzten guztira. Honakoak izan dira aurtengo irabazleak.
LH5 eta 6ko kategorian sei izan ziren lan sarituak:
Amets Rico Alien bakegileak lanagatik
Maddi Aranburu eta Nora Markuerkiaga Ametsetan murgildurik lanagatik
Ane Gomez Haloween gaua lanagatik
Eneko Barrenetxea Hodeiren ametsa lanagatik
Aize Julian eta Enara Gandarias Mamua eta bere altxorra lanagatik
Harkaitz Talledo Otso gizona lanagatik
DHB1 eta 2 kategorian bost izan ziren lan sarituak:
Ane Txakartegi eta Izaro Lopez 000 atea lanagatik
Nahia Badiola Bidaia lanagatik
Jaitz Julian Lagunak ekarri ninduen estreinekoz hona lanagatik
Paula Artetxe eta Eider Badiola Nire lagun bakarra lanagatik
Lorena Arauko eta Ane Solabarrieta Sentimendu nahasketa lanagatik
DBH3 eta 4 kategorian, ostera, lau izan ziren lan sarituak:
Ane Garalde Harrizko hegoak lanagatik
Nahia Badiola eta Iratxe Iriondo Laguna lanagatik
Naiara Urkiola eta Yael Carrasco Mundu paralelo bat lanagatik
Ainhoa Ferreira eta Priscila Asiama Nire altxor preziatua lanagatik
Shakti Olaizola, irakurtzen
Sariak banatu ondoren, Shakti Olaizola kontorsionistak Irakurriz ikuskizuna eskaini zuen Kofradia Zaharrean. Aretoan batutako jendetza erabat harrituta utzi zuen Olaizolaren ikuskizunak. Besteak beste, liburu bat irakurtzen ari zen bitartean hainbat dantza eta kontorsio zail egin zituen han batutako guztien gozamenerako.
Jarraian, 2014. urteko Augustin Zubikarai Nobela saria irabazi zuen liburua aurkeztu zuten. Hasiera batean Sick modura aurkeztu bazuten ere, azkenean 12etan bermuta modura argitaratu da Jasone Osoro iazko irabazlearen azken lana. Joxemari Urteagak elkarrizketatu zuen egilea, eta bere azken eleberriari buruzko elkarrizketa interesgarria egin zion Urteagak Osorori. Besteak beste, liburua bera mamitu eta horren inguruko pasarte batzuei buruz berba egiteko tartea izan zuten.
Miren Gorrotxategi (aurtengo irabazlea) eta Jasone Osoro (iazko irabazlea)
Ostean, Xabier Mendiguren Elkar argitaletxeko editoreak aurtengo Augustin Zubikarai nobela sariaren irabazlearen berri eman zuen, irabazlea bera alboan zuela. Leire Bilbaok, Ana Urkizak eta Xabier Mendigurenek osatutako epaimahaiak Miren Gorrotxategi azpeitiarraren 33 ezkil lana aukeratu dute aurkeztu diren guztien artean. Gorrotxategik pozez gainezka jaso du izendapena, eta berak agertu duenez, literaturgintzan egin dun lehen proiektua da 33 ezkil.
Mendigurenek Gorrotxategi elkarrizketatu zuen, eta urtebete inguru barru argitaratuko den lana ezagutzeko aukera izan zuten ikusleek. Baserri munduaren inguruko misteriozko nobela bat izango dela aurreratu zuen Gorrotxategik. “Duela 20 bat urte gure osabak buruhezur bat aurkitu zuen lursail baten, eta hori oinarritzat hartuta, baserri munduan girotuta dagoen thriller moduko bat idazteko asmoa dut”.
Bilbao, Elizburu, Berraondo eta Sebal
Azkenik, Nanoipuin sariketa aurkeztu zuen Leire Bilbaok. Idazle ondarrutarrak nabarmendu zuenez, 140 karakteretan istorio oso bat kontatzeko gaitasuna izan dute hiru irabazleek. Xabier Elizburu markina-xemeindarrak jaso zuen lehen saria, eta Soraluzeko Alana Berraondo eta Olatz Sebal lehengusinek, ostera, bigarren eta hirugarren sariak jaso zituzten, hurrenez hurren.
Saria jasotzearekin batera, bakoitzak bere nanoipuina irakurtzeko aukera izan zuen.
Lea-Artibai eta Mutrikuko albisteak euskaraz, libre eta kalitatez jaso nahi dituzu? Horretarako zure babesa ezinbestekoa dugu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Sariak banatu ondoren, Shakti Olaizola kontorsionistak Irakurriz ikuskizuna eskaini zuen Kofradia Zaharrean. Aretoan batutako jendetza erabat harrituta utzi zuen Olaizolaren ikuskizunak. Besteak beste, liburu bat irakurtzen ari zen bitartean hainbat dantza eta kontorsio zail egin zituen han batutako guztien gozamenerako.
Jarraian, 2014. urteko Augustin Zubikarai Nobela saria irabazi zuen liburua aurkeztu zuten. Hasiera batean Sick modura aurkeztu bazuten ere, azkenean 12etan bermuta modura argitaratu da Jasone Osoro iazko irabazlearen azken lana. Joxemari Urteagak elkarrizketatu zuen egilea, eta bere azken eleberriari buruzko elkarrizketa interesgarria egin zion Urteagak Osorori. Besteak beste, liburua bera mamitu eta horren inguruko pasarte batzuei buruz berba egiteko tartea izan zuten.
Ostean, Xabier Mendiguren Elkar argitaletxeko editoreak aurtengo Augustin Zubikarai nobela sariaren irabazlearen berri eman zuen, irabazlea bera alboan zuela. Leire Bilbaok, Ana Urkizak eta Xabier Mendigurenek osatutako epaimahaiak Miren Gorrotxategi azpeitiarraren 33 ezkil lana aukeratu dute aurkeztu diren guztien artean. Gorrotxategik pozez gainezka jaso du izendapena, eta berak agertu duenez, literaturgintzan egin dun lehen proiektua da 33 ezkil.
Mendigurenek Gorrotxategi elkarrizketatu zuen, eta urtebete inguru barru argitaratuko den lana ezagutzeko aukera izan zuten ikusleek. Baserri munduaren inguruko misteriozko nobela bat izango dela aurreratu zuen Gorrotxategik. “Duela 20 bat urte gure osabak buruhezur bat aurkitu zuen lursail baten, eta hori oinarritzat hartuta, baserri munduan girotuta dagoen thriller moduko bat idazteko asmoa dut”.
Azkenik, Nanoipuin sariketa aurkeztu zuen Leire Bilbaok. Idazle ondarrutarrak nabarmendu zuenez, 140 karakteretan istorio oso bat kontatzeko gaitasuna izan dute hiru irabazleek. Xabier Elizburu markina-xemeindarrak jaso zuen lehen saria, eta Soraluzeko Alana Berraondo eta Olatz Sebal lehengusinek, ostera, bigarren eta hirugarren sariak jaso zituzten, hurrenez hurren.
Saria jasotzearekin batera, bakoitzak bere nanoipuina irakurtzeko aukera izan zuen.
