Makuesak argazki erakusketa egingo dute Ondarroan
Ondarroako Ondar Uhin turismo elkarteak antolatuta, Iñigo Azkona Elantxobeko argazkilariaren Makuesak argazki erakusketa egingo da Arrigorri Ostatu Jatetxean.
Azaroaren 19ra arte erakusketa zabalik egongo da, eta bertaratzen diren herritarrek Elantxobeko arrantza munduaren inguruko hainbat argazki ikusteko aukera izango dute. Proiektua gauzatzeko garaian, gainera, Xabier Enbeita bertsolariaren laguntza izan du Azkonak. Hain zuzen ere, argazki bakoitzari laguntzen dioten testuak Enbeitak sortu ditu.
Erakusketagaz lotuta beste bi ekimen egingo direla ere aurreratu dute antolatzaileek. Domekan [azaroak 8], 18.00etan, Trainerak kantauri itsasoan deritzon bideo proiekzioa egingo da. Ostean, egilearekin solasaldia egingo da. Azaroaren 15an, 18:00etan, aldiz, Bertso merienda dueloa egingo da, Ondarroako eta Natxituako bertso eskolako kideen artean.
