Urrezko eta zilarrezko antzarrak banatuko dituzte Lekeition
Kepa Errasti, Silvia Manzana eta Jon Ander Alonso aktore taldeak gidatuko du gaur [azaroak 28] 38. Euskal Zine Bileraren amaiera ekitaldia. Dena erabakita dago. Zuzendaritza onenaren saria, ekoizpen onenaren saria, gidoi onenaren saria, argazki onenaren saria, film onenaren sari preziatua eta gazte 22 saria eta antzar morea ere emango dituzte 19:30ean hasiko den amaiera ekitaldian. Bestalde, aurten, hirugarrenez, Bento Ansola Saria emango dute: 3.000 euroko beka bat, ikus-entzunezko proiektu bat gauzatu ahal izateko.
Ikusgarri aretoko publikoa. Argazkia: EZB
41 film lehiatu dira aurten Lekeition egiten duten euskal zinemaren jaialdi handian, horietatik 10 film profesionalak izan dira eta 31 lan amateurrak. Guztiak ikusi eta euren iritzia emateko aukera izan dute azken astean Lekeitiora hurreratu diren zinemazaleek. Epaimahaia euren iritzia bat datorren jakingo dute orain. Epaimahai lanetan Aitor Merino, Gotzon Sanchez, Oihana Garro, Iban Gonzalez eta Izaskun Alvarez ibili dira.
38. EZBko saridun guztien filmak, bihar [azaroak 29] ikusi ahalko dira, 12:00etan Ikusgarrin.
